PILIPI 3:2 - PIPÏLIA

² Oripenö kegh kukïdin pich cho ighöy ngal cho ghach, pich cho nömchini lat ngala mutata por.

PILIPI 3:2 Referans Kwoze

2 KORINTO 11:13

Ompöwölo chane kï kiyoktoghi putintön. Ighöy kegh chane lö kïchï kiyoktoghi Kristo.

TITO 1:16

Lenchini kegh chane kinkït Tororöt, wölo ompö ighisyewutkökwa kï kikïtagh nyinte. Pich cho nyïghïtat kireyata, akï tighï nyo melö mïchini pöghisyö anka tïkwïl nyo karam.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

KALATIA 5:15

Wölo ato asïrakwa kegh anyagh kegh le tïpö wudïn akwane nko akwane, orip kegh tömawany kegh akwane nko akwane!

PILIPI 3:19

Sörömungwa kiwurata, ompöwölo tororötïngwa muyengwa nisonchegho chane arasingwa yonöy kinonutkökwa tïpö ngwïnyinï.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

TUMWÖY 22:16

Kewitanïn söpïchis pö mwokïyis, kukïdinechoni kerikanïn. Pokpoköy chane morichan nko kelyechan.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

TUMWÖY 22:20

Sörwante achïwïta chok, ighet söpontönyan ompö kukïdinechï.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 3:9

Tere oghan söpïchtino Onyöt cho ighöy kegh lö kïchï pipö Yaudi akwanyï lïsï chane kïkïtïngo kelyeku tökunkïtï lö ochöminyi.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

1 TIMOTEO 1:19

Ripö kighanatengu ompö choghïn nyo karam. Mi pikö walaka cho möterchïnicha choghïntangwa, söromunyi kunyar kighanatengwa.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

RUMI 2:28

Ompöwölo molenchï kegh chi pö Yaudi nyo pö man chi nyo rumu pat ompö sany lö chi pö Yaudi, amölïkunye pat chi nyo le mïrön, chi pö Yaudi nyo pö man lö ompöwölo kikemut nyinte.

MATAYO 7:6

“Motö kukïdin kïgh nyo tïlil, ompöwölo ngetöy kïsïrokwa. Amowirchï sanayikwo cho pïchighöch tawu nkïruwen atömekurkurö ngwïny.

NGÖTÏNYÖ 26:11

Kïle kukïy nyo yokyini kegh kinguntanichi, kïlata nyoni sölwö nyo yokyini kegh sölwontönenyi.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!

2 PETRO 2:22

Kighisyö ompö chane lenyoni kïrïp kegh nko ngölyonto ngötïnyö nyo lentöy, “Yokyini kegh kukïy kinguntanichi,” nko nyo lentöy, “Yokyini kegh nkïrwe nyo mwatate kïtönkwöröy norayon ngat.”

MATAYO 24:10

Pïstoy osiswechoni pich cho chang kighanatengwa akïwïchtö kegh chane akurey kegh.

TUMWÖY 119:115

Apeghena wölo omitan, akwa mwokïyis, atamukan arïp kirurutko Tororötïnyu.