PILIPI 3:1 - PIPÏLIA

¹ Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

PILIPI 3:1 Referans Kwoze

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

YAKOPO 1:2

Oyitö kegh tupchenyu lö ochikwa pich cho ngörekyote ato onyorukwa työmut cho sisinchö.

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.

1 TESALONIKE 5:16

Ongörekyenö kïtenö osis,

PILIPI 4:8

Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

2 PETRO 3:1

Kongotichu, palalyantenyan nyete nyo pö odeny nyo kakirwakwa. Akwompö palaltinechete kwodeny, komukyan angetnget kinonut cho tïlilöch ompö orinkwa otini ononwokwa ngalechï.

EPESO 6:10

Ngölyonteto löt, omökwokwa lö ghyongtenö ompö Echotyon nko owesyeto kimukatenyi nyo wow.

LUKA 1:47

Ngörökyini söpontönyan Tororöt, Ghetintenyan,

SAKARIA 10:7

Lïku pipö Epraim nyökon pö lïk Turonchot le pich cho kagha dipay* sïwïyi monekwa choni löwïr akïngörekyö, Ngörökyini ECHOTYON ompö tïkwïn löwïr cho kighchï chane.

SEPANIA 3:17

Mi ECHOTYON, Tororötïngu nko nyi, nyakan nyinte nyo koninyi owesyö rïntena. Ngörökyininyi ompö ngörekyö nyo wow, akï koninyi söpon ompö chomnyenyi nyo mamïnïng, akï ngörökyinyi ompö tum

SEPANIA 3:14

Nyi we Sayon,* tumö! Tumö ompö ngörekyö kelïm! Nyi we Yerusalem, ngaraka aiturön ompö mïkulöwungu kïmïkul!

YOEL 2:23

“Ay, oturönökwa werpö Sayon, oserönö ompö ECHOTYON Tororötïngwo, nyo kakonokwa pögho kitokot ompö chamatenyi, kakonokwa ilat nyo wow, ila sarngatat nko nyo pö pengat, le wölo kilenye tagh.

TUMWÖY 37:4

Ngörökyinö ECHOTYON atökïkonïn machateto mïkulöwungu.

TUMWÖY 32:11

Ongörekyenö ompö ECHOTYON, oturonchö cho ochï pipö man. Otumö ompö ngörekyö, akwa löwïr cho ochï tenote ompö mïkulögh.

AYUPU 22:26

atenyorunö nyu turönöt ompö Kimuktoghin aisyolönyi konyiku kïtopön Tororöt.

1 OTÖPTINO OSIS 29:22

Kingörekyö chane asisoni akwomisïyi: akïgheghsïyi ompö tawu ECHOTYON. Nyo pö odeny kïkïl Solomon kïlïkwï pöytoghin. Kuyil nyinte ompö kaynata ECHOTYON kïlïkwï pöytoghintengwa, kïlïkwï Sadok tïsinte.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

TUMWÖY 149:2

Nya kïngörekyö pipö Israel ompö Ighintengwa, oturonchenö pipö Sayon* ompö pöytoghintengwo!

TUMWÖY 97:1

Pöytoghin ECHOTYON! Ngaraka, ngwïnya! Oturonchenö koroswo nanam!

TUMWÖY 42:4

Wongu mïkulöwunyan ato ananan cho kakuwer, ato kyonomnyotan nko söpïchis, antöghoghchan kelïtöy Kö pö Tororöt* aketeghyotoy ompö ngörekyö nko tumwöyi kiyokyinogh pö sörö, akimi nyu pich ichon kwen!

TUMWÖY 5:11

Wölo itö ngörekyö pich löwïr cho ghïpchegho wölo imitenyi, atökïtum chane kïtenö osis ompö ngörekyö ikomönenyi chane, tökïngörekyö pich löwïr cho chömöy kaynengu.

NEEMIA 8:10

Arota keston apa am ichon aghegh dipay* cho onyïn atö mey. Kïlenyona molokyot tïlil asisï ompö echotyontenyo, ompöwölo owesyenkwa ngörekyo ECHOTYON.”

1 OTÖPTINO OSIS 16:10

Ngaraka ompöwölo kïchicha chechi nya kïngörekyö chona soghöy nyinte!

1 OTÖPTINO OSIS 15:28

Kwipï pipö Israel Santuku Muma Yerusalem akuteghyot ompö ngörekyö, akïkutöy kontin nko kuy nko toasin nko kurerun.

1 SAMWEL 2:1

Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.

KINONO KIRURUT 16:11

Ngörökyinö nyu ECHOTYON Tororötïngu, nyi nko moneku nko mötworiku löwïr nko pipö Lawi nko ton nko panan nko mïsïk cho mi kanastineku. Igh lenyoni ompö wolini kakïl ECHOTYON kesagha nyinte.

KINONO KIRURUT 12:18

Wölo omekwa tïkuchoni ompö tawu ECHOTYON Tororötïnkwa ompöwölo kakïl nyinte. Omekwa nko monekwo nko mötworikwo nko pipö Lawi cho mi kestonikwa. Ongörekyö ompö kïgh anka tïkwïl nyo otïngkwa.

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

ISAYA 65:14

Tumöy chane ompö ngörekyö, wölo orirsokwa ompö nyarïl.

TUMWÖY 33:1

Ongörekyinö ECHOTYON, akwa pipö man. Mïchini pich cho tenote kïsal nyinte.