5 Otïpinö nyu otöp nyo lata nyini kitïngeto Kristo Yeso:
anka tïkwïl nyo mwoghöy lö kyolinyö nko Tororöt, kïmïchini kïtöpö le wölo kitöptoy Yeso Kristo.
Akanagha kat mchokinyan, anetenanïn kegh, ompöwölo ochan talase, apan kegh ngwïny, atosïkö kimïny ompö söponwekwo.
Nka nyoni kini kikurchokwa Tororöt, ompöwölo kiwongwï Kristo ompö parakunkwa akïpïswokwa körkeyïn tarïpa kelyechi.
Ompöwölo kiwongwï Kristo* ompö por, mïchinokwa tïkwïl okile kegh ompö keröt nyo kitïng nyinte ompöwölo chi nyo kikïcham kuwongwï ompö por akwompö kighanatenyi kï kikuchal ngokï.
Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.
Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.
Nya kungarakekwa Tororöt nyo ighekwa amïkukönö akïkonok kikilöto kegh atamuka osïkö keröt akonga nyo orïpöy körkeyïn pö Yeso Kristo,
Kyoporwokwa ompö tïkwïn lapay lö ato opöghisyekwa le ani, kïmïchini angaraka pich cho nyörkölöle, akïkaram anana ngölyonto Echotyontenyo Yeso nyay kimwa nyinte lö, ‘Mi ngörekyö nyo wow otinö kakitötö kïsir ketach.’ ”
Ompöwölo kimayangnye kegh Kristo,* wölo le ato mwoghöy Kikirut, “Ketöngwanïn ye kimwagh anka tïkwïl nyo kikimwagheninyi.”
Ayo, nyono nyo wow, nyinö töpo mesa kwomisïyi nya anta nyo ipchini pich omisyö? Mö nyinönye töpo kwomisïyi? Wölo omitan kwenunkwa le chi nyo opöghisyechini pich.
Ato ililanyi tupchengu ompö omisyö nyo iyomenyi, kïmelö kerïpanyi ara chomnyogh. Ikïrö kegh omisyö nyo iyomöy tömegh chitö anka nyo kimegha Kristo kupot.
Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.
Kakirwan palalyantanï ante Paulö nko Timoteo cho kïchï mötwori Kristo* Yeso. Kikirchinecha pipö Tororöt löwïr cho mi Pilipi, cho kiketuyö nko Kristo Yeso nko pich cho ntöghoghchini kanisa nko cho ngörokisïyi.
