PILIPI 2:17 - PIPÏLIA

¹⁷ Kïrkegh keparanïn, akepighchï kisönköchan parakuto kighanatenkwa nyo le amöros nyo kïropchini Tororöt, ongörökan nyoman oturönön nko akwa löwïr.

PILIPI 2:17 Referans Kwoze

2 TIMOTEO 4:6

Wölo ompö okuntanyan, karich ato kitötoy söpontönyan kïlïkwï amöros akikwitï meghenyan.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

2 KORINTO 12:15

Omitan kïpsach nyoman opöghisyeghö tïkuchan löwïr akokonwan kegh nyoman ompö tösunöto mïkulöwekwa atamukan angarakakwa. Ochömanïkwa so kite ompöwölo kachamakwa lasiny?

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

2 KORINTO 7:4

Otïngetan kighanat nyo wow otete ongölonan nko akwa akwolonokwa kegh akwa nyoman! Kinyïghitanïn saghsaghata nyo wow tya, akwompö nyörilwokökwa otïngetan ngörekyö nyo mamïnïng.

1 YOANA 3:16

Kinkïtöcha chomnyogh lö ne, ompöwölo kitötö Kristo söpontanyi ompö parakuncha. Kïlenyona, mïchinecha tïkwïl ketötenö söponwecha ompö tupchenyo.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 TESALONIKE 2:8

Kïlenyona, ki wow chomnyencha ompö akwa nka nyoni kikïmitecha kïpsach kepara nko akwa, amelö Lökoy cho Karamach pö Tororöt opïn, wölo tökekonokwa söponwecha tïkwïl. Nka nyoni wölo kikïchamtecha akwa lasiny!

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

PILIPI 2:30

ompöwölo kikachakïn nyinte söpontanyi ket akwompö pöghisyo Kristo, atökumï kïkonanïn kingarakat nyo kimomukekwanye chï le akwa.

IGHISYEWUT 21:13

Wölo kuyokwï lö, “Oghekwa ne, toloksone le nyï, arïnganïn mïkulögh? Omitan kïpsach, melö pat keratanïn ompö Yerusalem, wölo ameghan ompö Echotyon Yeso.”

IGHISYEWUT 20:24

Wölo moyitanye lö kïgh söpenyan atamuk awany pöghisyö nyo kökonanïn Echotyon Yeso agh, nyoni kï kemwatïta Lökoy cho Karamach cho pö pöropcho Tororöt.

KIYITUT 28:6

Ropöwon nyï nyo pö chik nyo kïpelöy lachim, nyo kikïnya ketöteghö kutïng pö Sinay le ropöwonto omisyö, nyo ngutogh nyo mïlöy ECHOTYON.

KIYITUT 28:7

Ropöwe cho pö dipay* kï lita akonga, cho imïlchinenyi ato kïpelo amöros ompö wawanay pö kech tagh.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

PILIPI 2:18

Kïlenye nyoni tïkwïl ompö akwa, mïchinokwa ongörekyenö, aturonchö nko ani.

2 KORINTO 4:12

Poru nyoni lö pöghisyegho meghat orincha, kïmi söpon kïpöghisyegho orinkwa.