PILIPI 2:16 - PIPÏLIA

¹⁶ amitekwa nömöy lasïny ngölyonto söpon. Ato aghakwa lenyoni onyorunan kïgh nyo omuköy okwolö kegh akwa ato itï asispa Kristo, ankïtwan lö melö kyorïpön kwïle amawirnye wuw pöghisyenyan.

PILIPI 2:16 Referans Kwoze

1 KORINTO 9:26

Nka nyoni nyu omitan orïpöy atopönöy tagh atarïnta. Nka nyoni alatan chi nyo wiro chi egh nyo keröy otini wiröy.

KALATIA 2:2

Kyorutan lenyoni ompöwölo kyonyorwan kiporunöt nyo kingongwanïn Tororöt lö, mïchini owan. Kïkany otini kikïtuyechïcha ato le sirö nko kintöghoghï amwochan chane Lökoy cho Karamach cho kyomchinan pipö Punton. Kyaghan lenyoni ompöwölo kimomökanye ighisyenyan nyo kyaghan tagh nko nyo kitoghan kïwiröy wuw.

1 YOANA 1:1

Kakikirucha akwa paraku ngölyonto söpon, nyo kimito kïngeta otini le towunöt. Ngölyonto söpon nyo kikïlïmacha akesïwegha konyicho, nyo kikirosöcha, aketatapa moricho.

YOANA 6:68

Kuyokyï Simon Petro lö, “Kïpetecha wölo mi ngo nya Echotyon? Nyini itïngetenyi ngal cho konu söpon pö kokay.

1 TESALONIKE 3:5

Nka nyoni kini kighanïn oyonï Timoteo. Kimomukanye omïkukönöy ngat nka nyoni kyoyokwan nyinte kungwïn kuros wölo kitöptö kighanatenkwa atömötöp ana ntökïtyamakwa työmin akwigh ighisyencha nyo kikïsïnga kïlïkwï kwïle!

YOANA 6:63

Kïgh nyo konu söpon kï Mïkulöwu Tororöt, menyiwunye kïgh ptangengmöt onkït. Ngalechoni komwowokwa kï Mïkulögh akï söpon.

LUKA 12:8

“Amwowokwa lö, chi anka tïkwïl nyo mwochini pich lö kikughananïn nyinte, omwotïtonan lö nyinyan nyinte ompö tawu malaykeni Tororöt.

EPRANIA 4:12

Satate ngölyonto Tororöt akïchongchong, ngatip kïsir chok anka tïkwïl nyo lïtate wölini nko wölini. Akïmutöy kurelït ato ryomo söpon nko mïkulögh akurelchï wölo ryomechini ngichayayi por nko mwagh. Sïku ngölyontononi möchut nko kinonut pö mïkulis pö pich.

1 PETRO 1:23

Ompöwölo kikeyïyokwa yiyöt nyo pö odeny, ompö kösïghyon nyo mönïnönye nyo pö ngölyonto Tororöt nyo satate kokay.

1 TESALONIKE 2:19

Ompöwölo, kötölïku ngo kikönötencha nko ngörekyencha nko kwolötencha, makwanye cho olïku kwolötencha nyo pö rïntagh ompö tawu Echotyon Yeso otini kamïla nyinte?

KALATIA 4:11

Kawaghan lö manan kiwir wuw ighisyonanya kyaghan ompö akwa.

ISAYA 49:4

Atolapay olan, “Kasïngan apöghisyeghö owesyenyu kwïle wölo puryö kïgh nyo konyorwan.” Wölo kïrkegh kïlenyoni, oghönan ECHOTYON, poryewanïn nyinte onyorï mantanyu. Konanïn ropöwon ompö kïgh nyo oghan.

TUMWÖY 71:17

Kinetaninyi, we ECHOTYON, kïngata otini kyapuswan amwotïtonan ighisyewutköku cho pö töngönchin.

NGONGUT 22:17

Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.

IGHISYEWUT 13:26

“Kïlenyona, werköcho, cho ochï monïngo Apraam nko pichi walaka tïkwïl cho mi kwenunkwa cho konyïtöy Tororöt kakwitwech ngölyontonï pö sörunöt.

MATAYO 10:27

Ngölyon nyo omwowokwa ompö tuwïn amwatïta ompö löpoyïn, kïkany kïgh nyo olïmokwa sison amwatïtegha pörkö.

TUMWÖY 40:9

Kyamtan lökoyo sörunöt ompö tuyot nyo wow. Melö kyanapan kutinyu ainkïtönyi lenyoni, we ECHOTYON.

1 KORINTO 1:8

Komönokwa nyinte ntökwit söröm, atömökïsöchokwa lelut ompö Asisoni pö Echotyontenyo Yeso Kristo.

PILIPI 1:6

Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

PILIPI 1:10

atamuka agha tïkwïn cho karamch alïkwï pich cho tïlilöch cho puryö kigheghchin otinö kamïla Kristo.