PILIPI 1:8 - PIPÏLIA

⁸ Söwintenyan Tororöt lö omwoghan man otini omwoghan lö amatanïn emö nyo wow akwa löwïr nko chomnyogh nyo ngwïno Kristo Yeso.

PILIPI 1:8 Referans Kwoze

PILIPI 4:1

Tupchenichu ochömenokwa kegh nyoman akwomanïn emö akwa. Ochikwa ngörekyengan, achikwa tentenyan nyo pö rïntagh, oghyongö lasiny lenyoni ompö Echotyon!

RUMI 1:9

Söwintenyan Tororöt lö nyo opöghisyechinan ompö mïkulöwunyan kïmïkul, otini omtonan Lökoy cho Karamach cho pö Werïnyi, lö ononokwa kïnomnyö ompö sowutköchan.

2 TIMOTEO 1:4

Ononan lokeku ompö ani, akwomanïn emö nyoman asïwinyi atangarak lasiny.

1 TESALONIKE 2:8

Kïlenyona, ki wow chomnyencha ompö akwa nka nyoni kikïmitecha kïpsach kepara nko akwa, amelö Lökoy cho Karamach pö Tororöt opïn, wölo tökekonokwa söponwecha tïkwïl. Nka nyoni wölo kikïchamtecha akwa lasiny!

RUMI 9:1

Omwoghan man lö kyolinyan nko Kristo,* amomïranye put. Porwanïn tïkwïl lenyoni choghïntanyan ompö Mïkulögh nyo Tïlil.

PILEMON 1:12

Koyokwan ye nyinte kïmïla wöloni imitenyi, wölo mi nyinte mïkulöwunyan.

YEREMIA 31:20

Melö so werïnyan Israel nyo le chaman? Montönyan nyinte nyini ochömonan kegh. Nka nyay mowutyeghenanye nyinte kïrkegh akutan. Soröy mïkulöwunyan wölo mi nyinte ompö köromnyö Osyonchinan nyinte nyo mötïny. Mwoghöy ECHOTYON.

KOLOSAY 2:1

Omökan ya omwowokwa wölo kyonoghyan kïlïkwï ompö parakunkwa nko ompö pich cho mi Laodikea nko ompö pikö walaka cho tomöcha kïsïwanïn.

KALATIA 4:19

Monechu cho mïnkech, otïngetan ngwonïn ompö akwa nyo lata nyo pö kama monïng nyo karich kïlusyö tökïtenö kwitïta ato rumuno Kristo orinkwa!

KALATIA 1:20

Pö man ngalechete kakirwakwa akunkït Tororöt lö, momïranye putintön.

2 KORINTO 7:15

Nka nyoni mi kïtöso chomnyenyi ompö akwa otini nonöy wölini kyatachtekwa löwïr nyinte ompö kiwaghat nko potanat.

2 KORINTO 6:12

Ato asïwekwa kïgh anka tïkwïl nyo le tömölöwon ompö kwenunkwa nko acha, kïmi kïyoni okuntönkwa melö okuntöncha.

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

ISAYA 63:15

Topönö ngwïny ompö yïm, we ECHOTYON, aitopön ompö wölini le möngengu ompö tïlilyengu nko töroryengu. Köwö onö sïngatengu nyo wow ompö acha? Köwö onö owesyengu? Köwö onö chomnyengu nko kisyonötengu? Inanecha.

ISAYA 16:11

Nka nyoni rirchini söpontönyan Moap atïngetan ngwonïn ompö Kireres.

1 YOANA 3:17

Ato sïwa chi nyo le monkoryon werïngwa nyo chopöy kïgh, akïtagh kusyonchï, muköy nyu kïmwa lö ne lö ochömöy Tororöt?

PILEMON 1:20

Kïlenyona, werïnyo, kaykay ngarakante ompö ngölyontononi atö kukusa kaynata Echotyon. Kïle otini ichinyi werïncha ompö Kristo, igha mïkulöwunyan kïturön!

1 TESALONIKE 2:5

Onkïtökwa lö melö kikïpkanacha korenkwa kepï ngal cho kikïlïsecha pich anta kyamta Lökoy cho Karamach atökesïkenö kinyiwut wölo omitekwa, söwintencha Tororöt.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

PILIPI 2:26

Kikwam emö nyinte akwa löwïr akïmi nyinte kususöy kegh nyoman ompöwölo kyalïmakwa lö kichirate nyinte.

PILIPI 2:1

Ato mi kikilöto kegh anka tïkwïl ompö Kristo* ato mi saghsaghata anka tïkwïl nyo pö chomnyogh ato mi sikom anka tïkwïl nyo pö Mïkulögh ato mi yangata anka tïkwïl nyo kingöroköy kegh nko kisyonöt,

2 KORINTO 13:9

Kïchicha nyu ngörechote ato kïchicha nyörkölöl, wölo ochikwa owesöch nka nyoni kïsoghecha lö talïkukwa pich cho motïng lelut.

AYUPU 16:19

Mito nyete le ye söwintenyan yïm mi parak nyinte nyo ghyongtewanïn.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.