PILEMON 1:9 - PIPÏLIA

⁹ Wölo ompö chomnyogh, kasïwan lö mïchini osominyi lö ighwante kïyoni. Kosomön lenyoni kïrkegh kochan ante Paulö, ngöloninto Kristo Yeso akï nyo omi ye chela akwompö parakunyi.

PILEMON 1:9 Referans Kwoze

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

2 KORINTO 5:20

Kïchicha nyu kighyongtoghi Kristo ompö ngwïnyinï cho pöghisyegho Tororöt kïsoghsoghokwa kuwerwecha. Kïmitecha kesoghokwa nyoman ompö Kristo lö olinyenö nko Tororöt.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

EPESO 3:1

Nka nyï ochan ani Paulö, ratana Kristo* Yeso ompö parakunkwa, pipö punton.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

EPRANIA 13:19

Osomokwa nyoman lö osoghwante Tororöt, atorutowan korenkwa lawel.

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

ISAYA 46:4

Ochan Tororötïnkwa akomönokwa, ntökïtenö angaghakwa karwal. Kyaghakwa aripokwa, ongörokokwa asörwokwa.

NGÖTÏNYÖ 16:31

Kirawïni chi karwal cho pö ororyö, kïnyoru ompö otöp nyo pö man.

TUMWÖY 71:18

Mepïstante, we Tororöt, otï le ye kyayositwan akïrelitwanïn möt! Töpenö nko ani otï ntökïtenö omwochan owesyengu pïnwöy cho tökïpkonöy.

TUMWÖY 71:9

Metaghante otï le ye kayositwan amepïstante ye otï kamïnïngit owesyenyan.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

EPESO 6:20

Ompöwölo alatan chi nyo ghyongchini ngaleko korenyi ompö kore anka, ompö Lökoy cho Karamach kïrkegh ochan ratate. Osoghwante atamuk angalan ompö nyakanat le otini mïchinanïn alïkwï.

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

TITO 2:2

Inet poy cho kayetu kïrïp kegh, kïlïkwï cho tïng konyït akï cho chïreröch. Mïchini kïsïch kighanat nyo roko nko chomnyogh, akïmïkukonchö.

KIRWOKÏ 21:22

Ato pka papotïnekwa anta werkökwa lö kirwokinokwa, olenchï, ‘Kaykay opïswecha ketïpinö nko chane, ompöwölo melö kikïpörunecha chane poryot kïlïkwï korucha amelö kyokonechakwa chane, nyo möle otïngetekwa lelut nyonikïny.’ ”