OSEA 9:4 - PIPÏLIA

⁴ Melö pightoy chane dipay kïpighchini ECHOTYON. Amelö tökïngörökyini nyinte ropöwekwa lïku omisyengwa ompö chane nyo pö lok, akïlïku chane löwïr cho kam sïmnyon. Lïku omisyengwa nyo pö mu kwïle, amelö mïchini kepï le amöros Kö pö Tororöt.*

OSEA 9:4 Referans Kwoze

OSEA 8:13

Chömöy kutötoy amörostin, atökwam nyu panye, wölo melö tökïngörökyini ECHOTYON chane. Nonöy ye nyu nyinte ngokikwa akutö sitöt, mïlisyot akïlïkwï sekey ompö Misri.

YEREMIA 6:20

Pö ne kepkanïn tïkuchay ngutoy cho onyïn ompö koro Syepa, nko mankoy cho ngwïrngwïr cho opunokwa kor nyo low nya? Kataghan ropöwekwa, amömïlanïcha amörostinekwa.

KINONO KIRURUT 26:14

Melö kyaman tïkuchoni osiswo lok anta angwïsunan konyan ato kyochan sïmnyon, anta apiyta. Kyateran ngala ECHOTYON Tororötïnyu aghan lenyini kemwowaninyi.

YOEL 2:14

Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

ESEKEL 24:17

Mekany kelïm sönönötengu, amesönön ompö meghenyi. Ratanyi kopiyengu ailach kweghköku, mekarta kutingu anta iyam makatyanta sönönöt.”

YOANA 6:51

Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”

MALAKI 2:13

Anyï kitö anka nyo kaghakwa. Kolokyekwa, anyïghit lokekwo ato kïpelo amöroso ECHOTYON ompöwölo melö tökïyongöy amelö tökïtoköy ropöw cho opchinekwa nyinte.

AMOS 5:22

Kïrkegh köropkanïn amörostinekwa cho kïpelöy nko ropöwo pagh melö ochöman kokay amotokanye ropöwo kalya cho pö kyakikwa cho okwoghöch.

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

ESEKEL 24:22

Kïlenyona agha le nyï oghan, makarta kutïwekwo anta am makatina pich cho lokyot.

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.

ISAYA 57:6

Ochengekwa ompö atoni koghïn cho chïtchït asagh chane le tororötin. Omïlteghokwa dipay* atoni oropchini chane, aropchï pagh cho kïroptoy. Olentekwa so ongörökinan tïkuchoni löwïr?

KIYITUT 28:2

Kura lö kökonanïn ropöw ompö osiswechini kiketat ropöwo omisyö ompö ma nko tïkwïn cho ngutoy cho onyïn ompö ani, akaman lasiny kirurutchï.

LAWIN 21:21

Möminye chi nyo pö ara Aron nyo melö lïpop nyo ngwïnöy kutötöy ropöwo omisyö ompö ECHOTYON.

LAWIN 21:17

“Mwochinö Aron lö, mekany ntökungwïn montöngu kokay ompö pïnwöyikwa nyo melö lïpop kutö ECHOTYON ropöwo omisyö.

LAWIN 21:8

Okonyïtekwa tïlilöch tïsï ompöwölo tötoy chane ropöwonto omisyö ompö ani. Ochan ECHOTYON nyo tïlil nyo otïlilokwa.

LAWIN 21:6

Lïku chane cho tïlilöch ompö ani amesïmnyonöcha kaynenyan, ompöwölo tötoy chane ropöwo omisyö ompö ani, kïlenyona kïmïchini kïtïlilitu.

LAWIN 17:11

Mi söpon kisön, kïlenyona nka nyoni kömwowokwa ECHOTYON lö kïmïltoy kisön ompö ato kïpelo amöros atökïcheng ngoki pich, ompöwölo kisön cho ighöy linyot.

WUWÖT 40:23

Akutö makatyan parak nyo kïropchini ECHOTYON, lenyini kimwochï ECHOTYON nyinte.

KIYITUT 19:11

“Chi nyo kanam mïntïrïch, kïlïku sïmnyon ompö osis mut nko odeny.

KIYITUT 4:7

Töni chane sïra nyo orus mesa makatyan nyo kipöy tawu Echotyon akutö parak tïwanay cho pö tïkwïn cho ngutoy cho onyïn nko tïwanay cho pö ropöw nko alepïtis cho pö ropöwo dipay.* Akï mi tïkwïl makatyanta mesanoni.

WUWÖT 29:40

Iroptonyi kilö akonga nyo pö pïsya cho kakikulkulyö nko lita akonga nyo pö mwaghpa orolwö nko lita akonga nyo pö dipay* nko waweto kech nyay pö tagh.

YEREMIA 16:7

Möminye chi nyo omisïyi anta gheghsyö nko chi nyo kamegha chitangwa akï lentöy tonyorï saghsaghat. Möminye ompö nyo syonchini lö otöni kïgh nyo kïgheghöy kïsaghsagh chi nyo kamegha kwanta anta kame.

DANIEL 1:8

Wölo kunan Daniel lö melö mïchini kusïmnyon kegh ompö omisyewut cho le kïlan cho pö ka pöytoghin anta dipayka, kïlenyona kïtep Aspenas kungarak nyinte atömesïmnyon kegh.

YOEL 1:9

Mömicha ropöwo pagh nko tïsöw Kö pö Tororöt.* Ay, alokyenö nyu tïsï cho opöghisyechini ECHOTYON.

OSEA 7:16

Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”