OSEA 8:11 - PIPÏLIA

¹¹ “Ompöwölo kigh Epraim ato kïpelo amöros cho möngörï, akïlïkwï nyu wöloni kïpelo amöros wölo igho ngokï.

OSEA 8:11 Referans Kwoze

OSEA 12:11

Ato mi ngokï Kiliad kuwonyot lömïs. Kïkany kïpela amörostino eghin Kilkal, kïliku wölo kïpelo amörostin koghïn cho kirïkïsus ompö sörömu par.

OSEA 10:8

Kiwuröy wölo sogho pipö Israel körkeyïntin ompö Apen. Pito nyu sekut nko koto wölo kipelo amöros lenchini kutïngkot, “Akartecha.” Akïlenchï komos, “Orulchecha.”

YEREMIA 16:13

Kïlenyona, oyonchinokwa kor nyo monkïtökwanye, akimenkïtnye papotïnekwa. Akwato omikwa korononi opöghisyechinekwa asagh tororötin walaka kïyech kwimön amelö osyonchinekwa nyonikïny.’

KINONO KIRURUT 4:28

Atolapay apekwa nyu asagha wöloni tororötin cho kikigha ket nko köghïn, tororötin cho melö rostoy anta lïm kïgh anta am kïgh anta nguchï kïgh.

YEREMIA 17:1

“Kikikira ngoki pipö Yuda kalamu karïn, akekira koghpa almasi nyo ngatip kekirchï mïkuliskökwa, akekirchï luchtina atay kïpelo amörostinekwa.

OSEA 5:4

Karkarta ngokï pich tömömïlonchï Tororötïngwa, ompöwölo mi oringwa mïkulöwu alomi amenkïtcha chane ECHOTYON.