OSEA 6:7 - PIPÏLIA

⁷ “Wölo kinyar chane ompö koro Adam kikïniniogh nyo kyaghan nko chane, kïpeny mumenyan.

OSEA 6:7 Referans Kwoze

OSEA 8:1

Lentöy ECHOTYON, “Akuta kontï! Achona pung kipka le mötong kupokyï Kö pö Tororöt* ompöwölo kipeny chane mumenyan akïtagh kirurutköchan.

OSEA 5:7

Kilïs chane ECHOTYON, ompöwölo kisïch monïng cho pö sany cho melö tïngö kïgh ECHOTYON kïlenyona wonyot chane lömïs ompö relïn pö arawa.

YEREMIA 9:6

Körïmisyö akï rïmisyö, kïlïsisyö akï lïsisyö, akïtagh kunkïtwanïn chane.” Mwoghöy ECHOTYON.

AYUPU 31:33

Kyawïngan so ngokichu le Adam, otïpchï ghöyityenyu mïkulöwunyu.

TOWUNÖT 3:11

Kïlenchï Tororöt, “Ngo nyini kömwowunyi lö ichinyi chïrut? Kamanyi so okintonay pö ketay kyatagheninyi lö meam?”

2 PÖYTOGHÏ 17:15

Kisas chane kirurutkachi löwïr, akïpeny muma* nyo kyam nyinte nko papotïnekwa amelö kiyang ngal cho kirirchï ECHOTYON chane. Kisagh chane körkeyïntin cho puryö kinyiwut, cho kigh chane kïlïkwï pich cho puryö kinyiwut akïrïp otöptino punton cho le pöröriskökwa akïtagh kirurut pö ECHOTYON nyo kitagha chane lö marïp otöptino pïchoni.

TOWUNÖT 3:6

Kïsïwa kokonay lö pïrchini kong ketay akïkaramach akwechi ompö omisyö akïmïchini kenyoruno kinkïtunöt. Kïpït akwe akwam. Atolapay kutö santenyi walaka, kwam nyinte tïkwïl.

EPRANIA 8:9

Sisitu mumanoni nko nyay kyaman nko kukötïnekwa, osiswechanya kyamïtunan chane koro Misri. Ompöwölo melö kirïp chane mumenyan ompö kighanat, kïmelö kitökïyang nyu chane.

YEREMIA 31:32

akï muma nyo melö karkegh nko nyay kyaman köny nko papotïnekwa ato kyamïtunan chane koro Misri ompö owesyenyan. Kïrkegh kyochan komönintengwa, melö kikonyït konyït piköchan mumanoni kikyamacha tïkwïl.

YEREMIA 5:11

Ompöwölo melö kötökïlïkwï pipö Israel nko Yuda, pich cho ghönote ompö tawunyan.” Mwoghöy ECHOTYON.

YEREMIA 3:7

Kyolenchinan kegh atowany kwigh choni löwïr, kïmïlisyö wölo omitan, wölo melö kigh lenyoni. Kisöwintönchï cheptangwa Yuda, nyo le lïsin, ngalechoni löwïr.

ISAYA 48:8

Kyonkïtön lö melö kyochikwa pich cho kighönöy, pich cho le penyï kïnomnyö. Nka nyoni melö kyalïmakwa nyonikïny ngölyontononi, akunka nyoni tömömi ngölyon nyo kyalïmekwa yitikwo.

ISAYA 24:16

Kïlïmecha tumwöyi sölut cho sölöy ECHOTYON Tororöt pö Israel, cho pkono söremwok pö ngwïny. Wölo melö otïngetan kikönöt! Kyanyasan ntowonyö! Mito pich cho wïchtoy pich kuletöy tagh, akïmitoni pich cho le lïsï kuletöy tagh nko lïsengwa.

ISAYA 24:5

Kesïmnyon pich ngwïny ompöwölo kawaghach chane kirurut pö Tororöt, akïpeny muma* nyo kitöpo kokay.

RUMI 5:14

Wölo kipayta meghat pich kïngeta osiswo Adam ntökwit osiswo Musa. Kipayta lenyoni ompö pich cho melö kigh ngokï cho lata cho kigh Adam, nyo kipeny kirurut pö Tororöt. Adam kï ki körkeyïn pö Kristo nyo kitökungwïnöy.

YEREMIA 34:18

Oghchinan pïchoni kimökonyïtcha akïrïp ngala muma nyo kyaman nko papotïnekwa, le wölo kida eghay kikarer kwen akuwer kwenu panyechi.

KINONO KIRURUT 31:20

Omïtan chane kïlïtöy koronay chang chö akïwow kumata, kïle wölanye kyoyomisön kukötinekwa. Atökïnyorï chane omisyö anka tïkwïl nyo kömököy, akïmöngisyö nyo karam. Wölo wöghökisyot chane akïsagh tororötin walaka. Töghanïn chane akïpeny mumenyan,