OSEA 6:4 - PIPÏLIA

⁴ Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

OSEA 6:4 Referans Kwoze

OSEA 13:3

Wölo lïku pïchï le pïrtï nyo pö tökwöghö Akilïkwï le röyön nyo pïröy lawel le morïr cho kïkötïtoy ompö rökor le ighöt nyo lïtöy chïmïni.

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

MATAYO 13:21

Wölo mölïtönye ngölyonte orinyi lasiny, ghyongtoy osis cho ngörï, wölo ato itï kisusut anta kichopata kong ompö ngölyontonï, kïpïstö lawel.

YEREMIA 34:15

Rose lö ompö nyete le oghi, kyowöghökisyökwa aghakwa kïrïp kegh nko ngölyontenyan otini kityak chi anka tïkwïl sekeyontenyi nyo le chi pö pipö Yaudi. Kyamakwa muma* ompö tawunyan ompö Kö pö Tororöt* wölini kïsoghenanïn.

YEREMIA 9:7

Kïlenyona, lentöy ECHOTYON Kimuktoghin, “Otïlilan piköchan le wölo tïliltoy ma karïn, atyaman chane. Anta ne anka nyo mïchini pïchete kicham ghöyityö nya?

YEREMIA 5:23

Wölo tïng pïchï mïkulöwu tighintön nko penyat, kipïstanïn akïmasta kïpechï kegh.

YEREMIA 5:9

Olentekwa ye so mönyorunye pïchoni sitenyan ompö ngalechoni? Mömïchinanïnye so otökisyö ompö pich cho ighöy ngalechete?

YEREMIA 5:7

Tepöy ECHOTYON lö, “Olöstowunyi lö ne nya we Yerusalem? Isïwïyenyi lö kapeny piköku ngalechan, akuwalwala kegh tororötin cho möle. Atanya kyapaghakwa ntopïghyö, opïstanïkwa apa aghata cheporesnan, osupchïkwa kegh kori chepkarten.

YEREMIA 3:19

“ ‘Kyononchan kegh lö, Israel, opï kechinyi akonga ompö monechan, akoninyi kor nyo karam nyoman, kor nyo pïchigh kïtïl koros löwïr. Kyolentan ikuraninyi lö, “Paponyu,” amelö kepïstonenyi rïpanïn kokay.

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

OSEA 7:1

“Otini olentan osopöy piköchan Israel kirumï ngoki Epraim ngat, akïrumï ngoki Samaria ighöy chane ngala putïntön weröy korïn akïchorsyö, söro pich tïkukwa ompö ortïn.

KIRWOKÏ 3:12

Kwigh pipö Israel ngokï ngat ompö tawu ECHOTYON. Kïlenyona kutö ECHOTYON Eklon pöytoghinto Moap owesyö kïrïnta pipö Israel.