3 Onkïtinyi, we Israel, kighanyi cheporesnan alïkunyi sïmnyon.”
“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”
“ ‘Onkïtön ighisyewutköku, onkïtön lö mechinyinye kaghït anta lalang. Wechï kötökaykay ntökechinyi kaghït anta lalang.
Möminye kïgh nyonikïny nyo kikigh nyo mösïwïyinye Tororöt, rumu kïgh anka tïkwïl ompö tawunyi akï nyinte nyo kiyokyinecha ngaleko ighisyewutköcho löwïr.
Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.
Otini kingalan pipö Epraim kïpotonchö pich kyowesöchitu chane ompö Israel wölo nyini kilel, kïsagh Paal* kïma.
Pögho kegh Epraim yomat akïyonotoy yomo kongasis kwimön akïtösotoy putintön nko rïmö. Omöy mis nko Asirya tökwip mwagh kutang Misri.
“Ompöwölo kigh Epraim ato kïpelo amöros cho möngörï, akïlïkwï nyu wöloni kïpelo amöros wölo igho ngokï.
Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.
“Otini kisïwa pipö Israel lö kikewongwï lenyoni akïkany kïsïwa pipö Yuda moyokökwa, kïpa pipö Israel lawel kutang koro Asirya kïsom kingarokut pöytoghin Yerap, wölo melö kimï nyinte ntökusop chane anta sarar moyokökwa kïsöpchö.
Mi pipö Israel kuwonguno pich cho pïröy chane akesara chane korengwa ompöwölo kicham chane kïrïp ngala pich.
Itu ato omungan pipö Epraim akïwïröy kore kïlïkwï surkwen. Onkïtunö nyu pipö Israel lö oghan lenyoni nyo mötïny!
“Ipunyi ECHOTYON akwipchï piköku nko koto papongu osis cho ghach kïtïl asis anka tïkwïl kïngeta otini kipesyö paytaghpa Israel nko Yuda. Ipu pöytoghinto Asirya!
Ompöwölo kewunyi Sirya ghöyïn nyo lata nyï, kïmi nko Israel nko wero Remalia, akïmi kïlentöy,
Tïngeto Yosep owesyö nyo lata nyo pö kirïk, akïtïng kuy cho lata cho pö so. Yumtegho nyinte kuyechoni pipö punton, yonöy chane ntökwitïta sörömu ngwïny. Akï lata kuyechoni pipö Epraim cho makïrar nko cho pö Manase cho le elpun cho chang.”
Ompöwölo kisuro koroswechoni otyegheninyi pöytoghikwa kwodeny kïtoma kunkïtï monïngoni wölo kïtöghtoy ghöyityö, akïkïl nyo karam.
Kinya ECHOTYON kïngölonchï pipö Israel otini kïlenchï Osea, “Wïyö ipö korka nyo le chepores, akïyiwun monïng cho karkegh nko kame, ompöwölo kegh koronï cheporesnan nyo gha otini kipïstö ECHOTYON.
Kasïwan kïgh nyo gha nyoman ompö Israel, kipïstanïn piköchan akïpa kïsaghata körkeyïntin. Nyo kesïmnyon kegh pipö Epraim.
Ani nyo kyakamaninyi ompö surkwen koro asis kwïle.
