OSEA 3:5 - PIPÏLIA

⁵ Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

OSEA 3:5 Referans Kwoze

YEREMIA 30:9

Opöghisyewanïkwa ani nyo ochï ECHOTYON Tororötïnkwa nko chi pö ara Daudi nyo okïlwokwa kïlïkwï pöytoghin.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

MIKA 4:1

Pkonöy ompö osis cho pkonöy ato kichïchimöy kutïng pö Kö pö Tororöt. Akekany kïkoghit kïtïl kutïngkot löwïr wuwöy chichöntö kïsoröy kutïngoni.

ESEKEL 38:8

Weröy osiswö cho te, kekurinyi napa kegh, akï ompö könyis cho pkonöy iwetenyi poryegho kor nyo kösöpö poryot, kor nyo kighamïtyï kegh pich akïpa kutïngkoti Israel cho kikilïkwï kïratis, kikipï pich kïpkana punton kïpka kïmöngisyö löwïr ompö kalya.

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

OSEA 5:15

“Opökochtonan chane ntökïtenö kïpköchï chane ngokikwa akïmïlonchö nyu kïyaranïn. Kilöy kegh nyu nyoman kïyöranïn ompö otinö kewongu.”

OSEA 5:6

Petöy chane nko okwotkökwa cho pö ngaror nko tïch kïyöröy ECHOTYON, wölo mönyorucha nyinte. Ompöwölo kikusïrar kegh nyinte nko chane.

DANIEL 10:14

Kangwïnan omwowunyi kïgh nyo igho ompö piköku ompö osis cho pkonöy, ompöwölo pö sïwïyaghta osis cho pkonöy.”

DANIEL 2:28

Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

YEREMIA 33:17

“Ompöwölo omwoghan ante ECHOTYON lö, möminye kokay ato potöy chi nyo pö ara Daudi nyo pöytoy Israel

1 PÖYTOGHÏ 12:16

Wölo otini kisïwa pïchay lö melö kiyang pöytoghintonay ngalekwa, kuyokyï nyinte lö, “Apakaytena Daudi nko konyi, melö kïtïngetecha kïgh nyonikïny nyo kökiporöy tagh nko wero Yese. Kepechinö kegh, kemïlisyenö kestonicho cho kïchï pipö Israel! Ichïpo kongu onkït, we Daudi!” Kïlenyona, kïpechï kegh pipö Israel kestonikwa.

KINONO KIRURUT 4:30

Kïkany ato omitekwa nyarïl akïpkonchokwa tïkuchoni löwïr, oyokyï kegh ECHOTYON Tororötïngwo ompö osisweku cho pö löt ater ngalechi.

KIYITUT 24:14

“Kïlenyona rosa, kamïlan ye nyu korenyu, wölo tera omwowun kïgh nyo ighchini pïchï piköku ompö osis cho pkonöy.”

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

ISAYA 17:7

Wöghökisyot pich ato itï asisoni wölo mi Ighintengwa, Tororöt pö Israel nyo Tïlil.

OSEA 1:11

Kituyot nyu atoni pipö Yuda nko cho pö Israel, atolapay kegh chane kïkïlchï kintöghoghintengwa nyo le akonga, yetu chane akwowesöchitu ompö korengwa, ompöwölo lïku asispa Yesrel asis nyo wow!

OSEA 11:10

Pkonöy piköchan kïrïpanïn otini kotïlön le ngötïny pkono werkachï ta kïpotonchöt otini kötïl ECHOTYON le ngötïny.

ISAYA 60:5

Osïwïyekwa kïyoni atongörekyenökwa tya. Odöngonyekwa aturonchö. Kipu sïkönöto koros wölo omitekwa. Kipuno mökosyononi koros cho lowöch, kipuno nanamtin antakwagh.

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.