OSEA 2:18 - PIPÏLIA

¹⁸ Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

OSEA 2:18 Referans Kwoze

ESEKEL 34:25

“Oman muma* nko chane nyo pö kalya ayonan tïpö wudïn ompö korengwa. Atökïmang surkwen ompö kalya, akwaketa kechir kïchïpo.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

TUMWÖY 46:9

Wongöy nyinte poryotïn ompö ngwïny kïmïkul akïrïng kïwantis nko ngötwö akïpel longoy.

ISAYA 65:25

Oketïyi suyï tïkwïl nko wara kechir. Omöy ngötunywö sus le tïch amelö tökesïko meghat moroyut. Mökïminye kïgh kutïng pö Sayon* nyo ngwan anta mwokïyon.”

AYUPU 5:23

Kilowitöy koghïn ompö paren cho ingorenyi aimöngenyi ompö kalya nko tïpö wudïn.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 14:4

Ghyongo nyinte asisoni kutïng pö Arol nyo mi okumpö kongasis nyo pö kanasyanta Yerusalem. Köreroy asisoni kutïng pö Arol kwen ompö mpöghogh nyo tapes kïngeta kongasis ntökwit ta. Mi karerane akong kuntoka kïmi anka kumporö.

SAKARIA 3:10

Kuröy chi anka tïkwïl asisoni pöröryenyi kïngörokyï kalya nko payasat ompö rurwo keti sapipun nko mitini ompö parenyi.” Mwoghöy ECHOTYON Kimuktoghin.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

YEREMIA 30:10

“Mewöghisyö we Yakopo, amemïgh we Israel. Ompöwölo osörunyi mitenö kor nyo low. Oyokunan moneku kïpkana koro pïnotnön imïlonenyi, aimöngisyö ompö kalya. Amöminye chi nyo muköy kwotyegheninyi.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

TUMWÖY 23:2

Ighanïn oghïteghö achey wölo pitate akuntöghoghwanïn owö wölo mi pögh cho silyote.

SAKARIA 9:10

Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

AYUPU 5:22

Iroröchinenyi kiwurat nko kömöy amelö iwöghenyi tïpö wudïn.

TUMWÖY 148:10

nko tïpö wudïn nko kyak tïkwïl, nko moroyut nko törit.

ISAYA 32:18

Chïwutyegho pipö Tororöt kisusut akïtïpï kestonikwa ompö kalya nyo puryö otyogh.

ESEKEL 39:1

Lentöy Echotyon TORORÖT, “Wero chi, nya kïngor möt Kok, lenchinö kighochaninyi nyoman we Kok, yetïn pö Mesyek nko Tupal.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.