OSEA 14:3 - PIPÏLIA

³ Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”

OSEA 14:3 Referans Kwoze

TUMWÖY 68:5

Tororöt nyo möngöy konyi nyo tïlil. Kï papoto pönon akï ripinto mïsïktin.

TUMWÖY 10:14

Wölo isïwïyenyi, we ECHOTYON, kömpölelyö nko nyarïl aipöghisyeghenyi ewungu tengaraka. Twoytoninyi kegh chi nyo nyarkalal. Ichinyi kingörokinto panan.

OSEA 14:8

Ayo Epraim, ne nyo kötedenenyi körkeyïntin nya? Akwani nyo oterunyi sowutköku akomöninyi. Alatan ket nyo iwuronenyi akungwïnonanïn kïgh anka tïkwïl nyo omenyi.

OSEA 5:13

“Otini kisïwa pipö Israel lö kikewongwï lenyoni akïkany kïsïwa pipö Yuda moyokökwa, kïpa pipö Israel lawel kutang koro Asirya kïsom kingarokut pöytoghin Yerap, wölo melö kimï nyinte ntökusop chane anta sarar moyokökwa kïsöpchö.

OSEA 2:17

Ompöwölo melö tochömchinan nyinte ngat kïngölono kaynata Paal.

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 30:16

Nyinö kötoghekwa lenyoni, amachakwa osughenö kegh pungkökwa apegha angoletin cho pïrtït, nyoman mïchini osughökwa kegh, lenyoni wölo pïrtïte pïchoni yonokwa kïmolï!

TUMWÖY 33:17

Möminye kïgh nyo nyiwu angole ompö osiswo tapan, melö söru kïgh owesyenyi nyo wow.

YOANA 14:18

“Mopïstonokwanye le pönon, omïlonan wölo omitekwa.

OSEA 12:1

Pögho kegh Epraim yomat akïyonotoy yomo kongasis kwimön akïtösotoy putintön nko rïmö. Omöy mis nko Asirya tökwip mwagh kutang Misri.

OSEA 8:9

Ompöwölo kapusta Asirya kïyarata kingörokut le sïkïryo wow nyo keturotö onkït. Kal pipö Epraim mïrönkachi

OSEA 8:6

Alatekwa choni nyu pipö Israel nko körkeyïntöngu nyo kïgh puntïyonta melö Tororöt nyonikïny nyona kïtïghotïghöy körkeyïn pö Samaria nyay le mogh.

OSEA 7:11

Lata Israel cheptukö nyo le sölwö nyo menkït kïgh, rïpchini Misri kïsomöy kingörokut, akï kite ngat kïsor Asirya!

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

ISAYA 36:8

Apkana angalana nko echotyontenyan pöytoghinto Asirya. Okonokwa angoletin 2,000 ato oyörukwa pich cho pegho kïtenö choni.

ISAYA 31:3

Pich pat pipö Misri, molenchï kegh tororötin chane. Pö ngwïnyinï angoletinekwa molenchï kegh pkono yïm. Kïkany ato ghïtö ECHOTYON ewunyi, kïrulyö nyu pipö punton cho owesöch akïrulyö tïkwïl chane cho kinyorunö kingarakat chane. Kiwuröy chane kwodeny.

ISAYA 30:2

Petöy chane koro Misri lö tökenyorunö kingarakat, amelö kinya kïtepanïn. Kipa chane wöloni lö tökïkartech Parao.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

ISAYA 2:20

Löstoy chane asisoni körkeyïntin cho pö koltin nko silpa cho kitang atökïsagh, kïlöstoghchini pungung nko reresoy.

ISAYA 1:29

Ompöwölo lolïyonsot pich lö opï atanye kesoghe ket, akekatkat walaka parenicho cho kikïsagh achane.

TUMWÖY 146:9

Ripöy ECHOTYON pïnot akungöroköy mïsïktin nko pönon, wölo nyoröy tötut pö mwokïyis.

TUMWÖY 146:3

Mokön pöytoghi ngwïny, ptangengmöt nyo mötïng kingörokut.

2 OTÖPTINO OSIS 16:7

Kungwïn werkoyontö Anani osiswechoni wölo mi Asa pöytoghinto Yuda akïlenchï nyinte, “Ompöwölo itighonenyi kegh pöytoghinto Sirya, ametwaytenyinye kegh ECHOTYON Tororötïngu, kachïwïteninyi nyu lïko pöytoghinto Sirya.

KINONO KIRURUT 17:16

Merokonye kïtösyï kegh pöytoghintö angoletin anta yonta pich kïpa Misri kïrongwï angoletin atökïtas, ompöwölo kilenchokwa ECHOTYON, ‘Momïlonchenö ngat koronini.’

SAKARIA 13:2

Ongongoghtenan asisoni kaynötut pö körkeyïntin cho soghöy pich kewutyeghö. Opuktenan pich cho ighöy kegh lö kïchï werkoy nko cho soghöy körkeyïntin kïpegha kor.

YEREMIA 49:11

Opïswanïn monekwa cho le pönon, oripan chane. Opïsinö mïsïktinekwo kutwaytanïn kegh.”

OSEA 4:12

Tepöy piköchan ket nyo kakipat kiporunöt! Kuporchï nyu lïkïp kïgh nyo mököy chane! Ighöy lenyoni ompöwölo kip chane mïkulöwu cheporesnan kïmasta, kïpa nyu chane kwigh cheporesnan akïpïstö Tororötïngwa.

OSEA 13:2

Akïnget ye kwigh ngokï tya chane, akwighchï kegh körkeyïntin, körkeyïntin cho kikitanga silpa ompö tïnganata tïngan. Atolapay kïlenchï pich, “Oropchinö chane ropöw!” Wechï kachïchïn pich körkeyïntin cho lata kir!

YONA 2:10

Kimwochï ECHOTYON koghoghwö kïwö kungungchï Yona sany wölo tïyame.