9 Owurtoninyi we Israel, wölo, ekï ngo nyo ngörokinyi?
Melö so keyörchinyi kegh ngalechoni löwïr? Kipïstaninyi nyo ochï ECHOTYON Tororötïngu, nyo ntöghoghchininyi ompö or!
Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.
Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.
Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.
Ngokikwa cho kekaperenokwa kisoyönutchoni, ghöyityenkwa nyoni keghakwa monyorï tïkwïn cho karamach.
Kïlenyona nyu akwa tïsï, asagha Tororöt atökusyonchech. Wölo ato lata choni ropöwe cho opchinekwa nyinte, porwokwa nyoman pöropchenyi?
Wölo ochan ECHOTYON Tororötïngu nyo kyomïtuneninyi koro Misri Amöminye Tororöt anka nyo isoghenyi kïpoto ani, amöminye ghetin anka kïpoto ani.
Poto mwokïyis cho wongu ompöwölo kïghokyini chane tïkwïn cho kighchï pikö walaka.
Kïsïwïyegho tokochwekwa lelutkökwa. Ighöy chane ngokikwa kesïwïye le cho pö pipö Sodoma. Wechï nyarïl ompö chane! Kepchï kegh nyarïl akunkït!
wölo ato mönyorwanïnye kunyoröy kegh, akï chane löwïr cho wökanïn kïchömöy meghat.”
Chi nyo wetöy koko chi kï sölwö. Akï chi nyo ighöy lenyoni kï kapar kegh nyinte onkït.
Ngarakate chi nyo nyorchini kingörokut Tororöt pö Yakopo akukönöy ECHOTYON Tororötïnyi,
Tororöt nyo le ghïpöwontencha akï owesyencha, kingörokin nyo lekït ompö osiswo nyarïl.
Kikönecha ECHOTYON, nyinte nyo ngörokecha akï longencha.
Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”
“Kechumchinyi choni löwïr, we Yuda, kïrïp kegh nko otöptöngu nko ighisyewutköku. Nka nyoni nyarïl nyo ngwan nyo itunyi, ngwan nyo ilïmchinenyi mïkulögh ori.”
Wölo osïmnyonekwa kaynenyan otini kosïmnyonökwa ato kïpelo amörosköchan ompöwölo koropkanïkwa ompö atoni omisyö nyo kyasasakwa.
Omwoghekwa lö, ‘Ne chï ngale kesusecha kyoghochenö le nyï!’ Atolapay asïngwïltanïkwa. Kopkanïkwa kyaki amöros cho pö chorsyö nko cho ngwolsot nko cho tongunote. Olentekwa so otokan kyakichoni? Mwoghöy ECHOTYON.
Kyomchï tororötino Damaska cho kirïnta nyinte amöros, ompöwölo kinan lö, “Mi tororötino pöytoghi Sirya kungöroköy chane, kïlenyona omchinan amöros atökungarakan tïkwïl.” Wölo kwipchï ngalechoni nyinte nyarïl nko Israel kïmïkul.
Rirchinanïn chane wölo melö ompö man, wirchini kegh ngwïny akïsölölyö akïlentöy tatakan sowutkökwa cho pagh nko dipay,* wölo tökïtaghanïn chane.
Kirkegh kyanetan chane, atösyï owesyö, wölo tökwighwanïn ngoki chane.
