OSEA 13:15 - PIPÏLIA

¹⁵ Wölo ngwïnöy yomo ECHOTYON nyo ngwïno surkwen nyo ighöy koriko pöghechi kïtenyö, akuwany pögho kompa pöghechi, nko kaplawachtanyi lödo.

OSEA 13:15 Referans Kwoze

ESEKEL 19:12

Wölo kingagh sapipunay ompö nörekyö akewirchï ngwïny. Kïkut yomo kongasis kïyam, kïmïrisyö morinkachi, akepela ma kuwonyö.

ESEKEL 17:10

Ato kingetyï kareran, kïyomöy ompö yomo kongasis ompö otini kökingetyï.”

YEREMIA 4:11

Kïlenchini asisoni pipö Yuda nko Yerusalem, “Ngwïnchini piköchan yomat nyo layate nyo ngwïno kutïngkot cho mi surkwen. Amelö yomonay kutïtoy morïr anta nyo seröy tïkwïn,

TOWUNÖT 49:22

“Karkegh Yosep nko ket nyo tökïngarngar, nyo pito atolekïtö kö pö pögh, nyo sïlöy akïlang morichi nayat.

TOWUNÖT 41:52

Kïkurö weri nyo pö odeny Epraim, ompöwölo kilö, “Kökonanïn Tororöt monïng ompö kor nyo kyosïkan kichopat.”

NAUM 2:9

Achengena nyu silpeni, achenga koltine! Kinyïghï mökosyö Ninawi lakas! Mi kïgh anka tïkwïl nyo pö olyot nyo wow orinyi.

OSEA 10:1

Kilenye Israel sapipu nyo pïchigh nyoman nyo yinöy akwechi kuten. Le otini kiyï sapipun kïlïkwï, kïtösöy tagh kïtekyini kegh wölay kïpelo amörostin. Le wölini kitas tagh korengwa kïlïkwï, kïminöy chane tïkwïl wölo sogho.

OSEA 9:11

Ngetoy ororyo Epraim le tarit nyo kepiltö mokïminye yiyotö anta mirsyogh anta sïkisyogh.

OSEA 4:19

Kutïtoy yomat chane kupotyö atökïnam chane arasï ompö amörostinekwa.

DANIEL 11:8

Ipöy kutang Misri tororötinekwa nko körkeyïntin cho kikipat nko kari silpa nko koltin cho pö olyot nyo wow. Töpo nyu könyis cho te amelö poryegho pöytoghinto Sirya.

YEREMIA 51:36

Kïlenyona lentöy ECHOTYON, “Oporyeghwokwa ante ompö ngalechete, otökwekwa pipö Papilon ompö ghöyïn nyo kighwekwa. Oghan nanamungwa kïteny akï tenyot tïkwïl lalwatïnekwa.

YEREMIA 20:5

Opïsinan tïkwïl pung choni kïchengchï kegh sïkönöto kanasyantanete nko tïku lödo cho pö olyot nyo wow cho mi orinyi nko ropïyeni pöytoghi Yuda, akwip Papilon.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

ISAYA 17:13

Ryoghöy pipö punton le mirtino pögh cho chang, wölo teghchini Tororöt chane atökïmïlonchö löt, akïyon le terïtyon nyo kïkutöy kïröytö kutïng, kïkarkegh nko mopö cho kutöy pïchpïchö,

ISAYA 14:21

Akanya ketowï pörchö! Meghsot werpö pöytoghintonete ompö parakuto ngokiko papotïnekwa. Möminye ompö chane nyo pöytoy ngwïnyinï kokay anta nyïghit kanastin.”

TUMWÖY 109:13

Nya kïmis meghat monechi lökïr akewutyeghö kaynatenyi ompö pïnta nyona.

TUMWÖY 1:4

Wölo melö lata choni mwokïyis, karkegh chane nko morïr cho kutöy yomat.

AYUPU 18:16

Yomsot ighinkachi ompö ori akïyomö sökechi.

KINONO KIRURUT 33:17

Tïngeto Yosep owesyö nyo lata nyo pö kirïk, akïtïng kuy cho lata cho pö so. Yumtegho nyinte kuyechoni pipö punton, yonöy chane ntökwitïta sörömu ngwïny. Akï lata kuyechoni pipö Epraim cho makïrar nko cho pö Manase cho le elpun cho chang.”

TOWUNÖT 48:19

Wölo kïtagh kwanta akïlö, “Onkïtön lö lenyoni werïnyu, lïku nyinte tïkwïl söpïch, akïyetï, wölo yetu werïngwa nyo mïnïng kïtïl nyinte akïchongitu monechi kïlïkwï pipö ngwïny.”

TOWUNÖT 41:6

Kipita yitichoni mötöwe walaka cho le mut nko odeny cho töntönech, atolapay kuyam yomat nyo kikutunö wölnö le kongasis.

ISAYA 27:8

Kichop kong ECHOTYON pikachi otini kiranga chane korengwa akwigh kïlïkwï pïnot. Kiranga chane yomat nyo ngwan nyo kikutuna kongasis.

YEREMIA 4:12

wölo yomat nyo ngwan tya nyo ngwïno wölo omitan. Ante ECHOTYON nyo orwokyini chane.”

YEREMIA 51:1

Lentöy ECHOTYON, “Arosa! Owïkunan yomöt nyo le kinyorin, ngwïnöy kunyoröy Papilon nko pikachi

OSEA 2:3

Kïkany ato möpïstönye, ochïrutan nyinte kïtöpo lenyini kingwïna muyeto kame. Oghan nyinte kïyam le kew oghan nyinte le surkwen, opörenan nyinte maral.

YONA 4:8

Nyini kipusï asis, kuyokwï Tororöt yomöt nyo kila nyo kingwïna kongasis. Kïpel asis Yona möt nyo kirich kïryalta. Kïlenyona kïsom meghat kïlentöy, “Kaykay ameghan kïtïl osöpön.”

TOWUNÖT 41:23

atolapay kïrïpta yiti walaka cho töntönech cho le mut nko odeny cho kimöyïcha pagh, kïyomnyeghö yomo pekat nyo kikutuna wölnö le kongasis.