13 kumïtuna ECHOTYON Israel werkoyon ompö Misri akïripö chane werkoyon.
Kintöghoghchinyi piköku le kechir kuwerï Musa nko Aron. Tum pö Asap.
Kyamïtunenekwa apkanena koro Misri, asörunenokwa otöp pö sekeynön. Kyokonokwa Musa kuntöghoghwokwa nko Aron nko Miriam.
Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.
Otini kiwö Yakopo Misri akïpïr pipö Misri chane, kïlokyï papotïnekwa ECHOTYON, kuyoktö ECHOTYON Musa nko Aron kumïtuna chane Misri akutö kïmang koronï.
Kïmïla malaykayantanay kintöghoghchini pipö Israel kïwö lötungwa akïwö pchöri poltonay kimi tawungwa kutang lötungwa
Kïlenyona ongölonan nko nyinte kïsïwïyanïn amelö ompö tuwïn, kikïsïwa nyinte wölo alatan ECHOTYON. Ompö ne nyu tömowöghekwa angalanena nyo gha mötworintenyan Musa?”
Atolapay oyokyan nyu parenichi pö sapipun, aghan mpöghoghyo Kömpölelyö kïlïkwï kuka kikönöt. Rïpotonanïn nyinte le atanye kitökïle mïrar, le atakinye kingetunö koro Misri.
Kyachaman Israel otini kile monïng, akurön nyinte kungwïna Misri.
Ngeta aiwö Mesopotamia, kö pö kukötöngu Petuel, papoto yongu. Atepchinö kegh korkengu ompö wöloni kïngetunö tipö Lapan nyo tupchö nko yongu.
Kïlenyona, kïpöghisyechï Yakopo Lapan könyis mut nko odeny ompö Rael, wölo kilata könyiswechoni osis cho ngörï ompö nyinte ompö chomnyogh nyo kitïng nyinte ompö Rael.
Omwoghwekwa nyu ompö ECHOTYON lö, ‘Ki chi pö Aram paponyan nyo kipototö akïwö kutang koro Misri. Kitöpö wöloni le pïnotyon akïmöngisyö. Ki pich chane cho ngörï otini kitïta wöloni, wölo kïtösisyö chane tya ntökïlïkwï pipö punton cho owesöch.