OSEA 11:2 - PIPÏLIA

² Wölo kïle otini kyokuran chane, kïmi kunokenanïn tya, akitas tagh kïpelchï amöros Paaltin,* akïpelchï tïkwïn cho ngutoy cho onyïn körkeyïntin.

OSEA 11:2 Referans Kwoze

OSEA 2:13

Ochopan kong nyinte ompö osis cho ropchini Paal amörostin akïmina kegh karïn yitïn cho pïchighöch akïwö kïrïpata chamankachi, akïwutyeghenanïn, mwoghöy ECHOTYON.

YEREMIA 18:15

Kwompö ne nyu tökïwutyeghanïn piköchan akïpelchï amöros tororötino putintön. Kikupotyö amökunkïtcha or nyo rïpöy. Mökïrïpöcha ortïnechay pö könyisyok. Kesam ortïn cho mörumucha, mökuwerönye ortïnechay pelote.

ISAYA 65:7

kïrïp kegh nko ngokikwa nko cho pö kukötinekwa. Ompöwölo kapel chane mankoy cho ngutoy nyo karam ompö kutïngkot akumwaghanïn ompö komos. Omungan nyu chane kïrïp kegh nko ighisyewutkökwa cho kipö tagh.”

OSEA 11:7

Tökumönöy piköchan kïpïtanïn akïkïrkegh kïkur Tororöt nyo Töror tya kimemukönye kungarak chane.

IGHISYEWUT 7:51

“Akwa tighï! Karkegh mïkulöwekwa nko cho pö pich cho tomöcha kughan Tororöt. Minyote yitikwa kïlïm ngölyonto Tororöt, olyoke Mïkulögh nyo Tïlil le wölo kida alatekwa kukötinekwa, nyoni tïkwïl!

YOANA 3:19

Anyï wölini kingwïnta kirwokö ngwïny: kingwïn löpoyïn ngwïny, wölo kïcham pich tuwïn kïsir löpoyïn, ompöwölo ki ghach ighisyewutkökwa.

LUKA 13:34

“Ochech Yerusalem! Nkepar werkoy aiwira koghïn kiyoktoghi Tororöt cho kikïyonunyi. Kyaghamïtan piköku löwïr kïnyïl cho tya le wölo ghömïtïto kokorochö warechi ompö köpepoy, wölo kimepïswanïnyinye.

SAKARIA 7:11

“Wölo melö kiterwanïn piköchan. Kilïkwï tighï akïkar yitikwa tömalïm ngalechan.

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

1 PÖYTOGHÏ 18:19

Kïlenyona mwochinö pipö Israel kïpka kïnyorchanïn kutïng pö Karmel, apkan nko werkoyi Paal chay le 450 nko werkoy 400 cho pö tororötay le korka kïkuro Asyera.* Werkoyichoni chay pöghöy Yesepel ompö konyi.”

1 PÖYTOGHÏ 12:33

Kiwetöy Yeropoam Petel kutötoy ropöwontenyi ompö ato kïpelo amöros asispa taman nko mut nyo pö arawa mut nko sömök.

KIRWOKÏ 10:6

Kwigh pipö Israel ngokï ngat ompö tawu ECHOTYON otini kisagh Paaltin* nko Astarotin* nko tororötino pipö Sirya nko pipö Sidon nko pipö Moap nko pipö Amon nko pipö Pilisti. Kïpïstö chane kïsagh ECHOTYON.

KIRWOKÏ 3:7

Kwigh pipö Israel ngokï ompö tawu ECHOTYON kïwutyeghö ECHOTYON Tororötïngwa, otini kisagh körkeyïntino Paal* nko Asyera.*

KIRWOKÏ 2:13

Kïpïstö chane ECHOTYON akïpöghisyechï Paaltin nko Astarot.*

SAKARIA 1:4

Makarkegh nko papotïnekwa cho kïrkegh kirirchï werkoy lö, lentöy ECHOTYON Kimuktoghin, opïstenö ortïn nko ighisyewutkökwo cho ghach, melö kilïm amelö kirïp ngalechan.

OSEA 4:13

Tötoy chane amöros ompö kutïngkot nko ropöw ompö ket cho tïnkusöch, ompöwölo kiwur nyo karam. “Nka nyoni ighöy tipikwa kïlïkwï cheporestin akwigh mïror cho kipöy kwigh alomi.

YEREMIA 44:5

Wölo melö kyateranïkwa amayangakwanye lö kyamwaghan ne. Melö kyopïstekwa ortïnekwo cho ghach amelö kyachalakwa opelchinö amörostin tororötin walaka.

OSEA 4:17

Kinomnyö pipö Israel nko körkeyïntin. Apakadena chane!