OSEA 1:7 - PIPÏLIA

⁷ Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

OSEA 1:7 Referans Kwoze

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

2 PÖYTOGHÏ 19:35

Kïwö malaykayanta ECHOTYON oghononi wölo kimöngöy pipö Asirya akïpar pipö lïk cho le 185,000. Nyini kiyech, kelö kïtopön kimeghö kurïnkïsus!

OSEA 11:12

Lentöy ECHOTYON, “Kikuwitenanïn Epraim putintön akuwitenanïn Israel lïsa, akïtaghanïn Yuda, ani nyo ochï Tororöt nyo Tïlil.”

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

TUMWÖY 33:16

Melö rïntoy pöytoghintö ompö lïkenyi nyo wow, akï melö pölisïyi nyakana ompö owesyenyi nyo wow.

1 SAMWEL 17:47

Akunkïtï pïchï löwïr lö, melö söru ECHOTYON ompö chok anta ngot onkït, ompöwölo pö ECHOTYON porye akutönokwa moricha.”

2 PÖYTOGHÏ 19:29

Atolapay kïlenchï Isaya pöytoghin Esekia, “Lïku nyï machey ompö nyi. Iyomenyi könyinete tïkwïn cho pitöy opïn könyi nyo pö odeny iyamanyi yapanka, wölo iletonyi kösïgheku ompö könyi nyo pö sömök aikas pagheku aikatkat keti sapipun aiyam akwe.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

YEREMIA 25:5

Kipkonöy werkoychoni kïmwowokwa lö, ‘Pïstenö chi anka tïkwïl orengu nyo gha nko ighisyewut cho ghach. Ato aghakwa lenyoni, omöngekwa koronï kikonokwa ECHOTYON nko papotïnekwa kingeta kösnyisyok.

YEREMIA 25:6

Kyomwowokwa lö okïr kegh masagh anta opöghisyechï tïkwïn walaka amasagh tïkwïn cho kyapatekwa morikwo. Tïkuchoni oghekwa cho ighanïn anarek nyoman. Kyamwaghan lö, ato okïrökwa kegh tïkuchoni ighanïn anarek, kïmöminye kïgh nyo omokwa.’

YEREMIA 33:26

kïmopïstenanye kokay okonyït muma nyo kyaman nko monïngo Yakopo nko mötworintenyan Daudi nyo kyamaghan lö okïlan chi nyo pö ara Daudi kïpayta monïngo Apraam nko Isak nko Yakopo. Osyonchinan chane, asoyön kïnyorï mökosyengwa ngat.”

OSEA 1:8

Otini kiwany Komer kulïkuy cheptanyi, kïsïkisyö ngat akïyï worö.

WUWÖT 14:13

Kïlenchï Musa pïchay, “Mowöghisyö, achïchïma atasïwena sörunöto ECHOTYON nyo ighwokwa asete, ompöwölo pipö Misri cho osïwïyekwa asete, kïmelö tosïwïyekwa ngat.

WUWÖT 14:30

Kïlenyona kïsörunö ECHOTYON pipö Israel mori pipö Misri. Kïsïwa Israel chane kimeghö ompö nanam kamas.

2 PÖYTOGHÏ 6:18

Nyini kirökwï lïko pipö Sirya atökïporyö nko nyinte, kïsagh Elisya ECHOTYON lö, “Kaykay, ECHOTYON igha chane kïköryö!” Kwigh ECHOTYON pïchay kïköryö lenyini kigh Elisya.

2 PÖYTOGHÏ 19:34

Oripan kanasyantanete asörï akarta ompö konyït pö kaynenyan nko mötworintenyan Daudi.’ ”

TUMWÖY 44:7

wölo nyi nyo kesörunenecha pungköcho aikwangkwanganyi cho reyecha.