OPADIA 1:12 - PIPÏLIA

¹² Melö kitongörekyinekwa nyarïl nyo kinyorï werkökwa cho pö Yuda melö kimïchini oturönökwa asispa kiwangatengwa, anta ororöchï chane otini kimi nyarïl nyo wow.

OPADIA 1:12 Referans Kwoze

MIKA 4:11

Pkonöy pung kupokyinokwa kïlentöy nyarïl nyu olenchinö asïwena Sayon wölo kikida.

ESEKEL 35:15

Lenyini kingörökyini koro Israel ompöwölo kilïkwï kïratyan, kïlenyona oghokwa yitïn, olïkunekwa kïratyan, nyi kutïng pö Seir nko Edom kïmïkul, kinkïtï nyu chane lö ochan ECHOTYON.”

NGÖTÏNYÖ 17:5

Chi nyo roröchini meywon, kï kemwa Ighintenyi, nyinte nyo ngörökyini nyarïlto chitö anka kïmöchïwïtonye sitöt.

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.

2 PETRO 2:18

Ompöwölo mwoghöy chane ngala kwolöto kegh akï cho puryö kinyiwut, akïpöghisyeghö möchut pö por cho ghach kïkïnkïn kwigh ngokï nko pich cho kötökïchïwïtyegho ato lekït kwenu pich cho möngisïyi nyo gha.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

TUMWÖY 37:13

wölo roröchini Echotyon mwokïyis, ompöwölo nkït lö ngörï osiswekwa.

TUMWÖY 31:18

Ikar kutïwa pö pïchoni le putï, pïchoni menöy akïkwolöy kegh, pich cho sösöy pipö man.

TUMWÖY 22:17

Omukan oyitöy koyecha löwïr, rosanïn pungköchan akuchirchanïn konyïn.

AYUPU 31:29

“Kyangarakan so otino kiwer kögh nyo gha punyontenyan anta ororöchan kegh takat otinö kinyorï nyinte ghöyityö.

NGONGUT 13:5

Atolapay kepïsï tyonyay kïngalan ngala kinisanat nko cho mwoghöy Tororöt akechömchï kïsïch owesyö nyo pö aro cho le 42.

YAKOPO 3:5

Lenye nyoni tïkwïl ngalyap, kïrkegh kïmïnïng lö ne, wölo muköy kïkwölo kegh tïkwïn cho echön nyoman. Wuw nyo tya nya wey nyo muköy kuwur ma nyo le kite!

LUKA 19:41

Kitas tagh Yeso kirich kanasyanta Yerusalem akwotini kisïwa kïlokyï ompö kisyonchin

LOK 4:21

Akwa pipö Edom nko cho pö Us cho owökecha! Ne mongörekyö, aturonchö nya? Wölo tomönye kite itwokwa tïkwïl nörekyo ECHOTYON nyo metukokwanye! Otömesyokwa, achïr sïro apa kïchïrutöch ompö arasï!

ISAYA 37:24

Kesasanyi Echotyon kuwerï mötworiku aimenönyi lö, Ompö nkarinechan cho chang, karïntan Lepanon, ntowongwï kutïngkot löwïr cho koghöch. Kotörön keti tarakitkachi cho koghöch akïlchan kegh keti saypras cho pïchighöch. Kolïtön ompö wudö wölnö kidïrö.

TUMWÖY 92:11

Kasïwan kikerïnta pungköchan, alïman rirata mwokïyis.

TUMWÖY 59:10

Tuyot nko ani Tororötïnyan ompö chomnyenyi nyo pö kokay. Akwighanïn asïwa punkachu ato kïrïntoy.

TUMWÖY 54:7

Kesörwaninyi ompö kömpölelutköchan akasïwan lö, kikerïnta pungköchan. Ompö kintöghoghinto. Tum pö Daudi.

AYUPU 18:20

Töngönyöy pipö okumpö ta akïchïrïmnyö cho pö okumpö kongasis, lö ki kïgh ne nyï kïchumchï nyinte.

TUMWÖY 35:15

Wölo otini kïngörechot chane, kïtuyö atökuwanganïn. Kimunganïn chelölos cho melö kyonkïtön akuswomanïn kïtenö osis.

LOK 2:16

Kangeminyi punköku löwïr akurosinyi ompö kong nyo pö kililat Roröchininyi chane kïlentöy “Kakinyaracha kïtuwit! Nka nyete asis nyo kikïköngecha kwitï!”

ESEKEL 35:12

Inkïtunyi nyu lö ani ECHOTYON nyo kyalïm ngölonenyi ompö menotön lö, ‘Kikilïkwï kïratyan kutïngkoti Israel akikekonecha kenyarnyara.’

ESEKEL 36:5

Lentöy Echotyon TORORÖT, “Kyangalanan ompö nörekyo kililat ompö puntonichï walaka löwïr nko Edom kïmïkul, kichöghchï kegh korenyan kïlïkwï nyingwa ompö menotön akulölos.