OMTOGHIN 8:4 - PIPÏLIA

⁴ Ompöwölo tïng owesyö ngölyonto pöytoghin, ekïngo köny nyo muköy kïlenchini, “Ighenyi ne?”

OMTOGHIN 8:4 Referans Kwoze

AYUPU 9:12

Chengöy Tororöt kïgh, ekïngo nyo miröy nyinte? Akï ngo nyo muköy kïtepo nyinte lö, ‘Ne nyï ighenyi?’

DANIEL 4:35

Melö yitöy pich ompö ngwïny kïmïkul lö kïgh, pöytoy nyinte malayken ompö yïm nko pich ompö ngwïny ompö machatenyi, Amöminye chi nyo töghöy makatenyi anta lenchï, ne nyï ighenyi?

RUMI 9:20

Wölo ilentenyi ptangengmöt ochï ngo nyo mölöy kegh nko Tororöt? Kilïmanyi tör nyo tepöy ighintenyi lö, “Kölö ne teghaninyi le nyï?”

NGÖTÏNYÖ 20:2

Otyegho pich nörekyo pöytoghin le tïlöto ngötïny, akï chi nyo ighöy nyinte kïnarek kïmeghöy.

NGÖTÏNYÖ 19:12

Karkegh nörekyo pöytoghin nko tïlöto ngotïny, wölo lenye köromnyenyi röyön ompö sus.

DANIEL 3:15

Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

NGÖTÏNYÖ 30:31

nko kïrpö kokoroch nyo wököy, nko kwaghapa ngaror, nko pöytoghin ompö tawu pikachi.

1 PÖYTOGHÏ 2:46

Atolapay kïmwochï pöytoghintonay Penaya wero Yeoyada kïwö kïtïgh Syimey. Kïchïchïm nyu paytaghpa ompö mori Solomon.

1 PÖYTOGHÏ 2:25

Kïlenyona kïmwochï pöytoghintö Solomon Penaya kïwö kïpar Adonicha.

WUWÖT 1:18

Kïkur pöytoghinto Misri kamatichay pö echen akïlenchï, “Ompö ne taghakwa le nyï, otï topïstenökwa monïng cho le wor kïsöpchö?”

2 SAMWEL 24:4

Wölo kïlot pöytoghintö Yoap nko yetïntino pipö lïk. Kïlenyona kïpegha chane wölo mi pöytoghintö akïpa kuyitotö pipö Israel.

1 PÖYTOGHÏ 1:30

itïtoy asisete ngalechanya kyoyomisunyi ompö ECHOTYON Tororöt pö Israel lö, lïku Solomon pöytoghin nyo rïpanïn, akï nyinte nyo töpo ngacharunyan nyo pö paytagh.”

ESRA 6:13

Kïlenyona kwigh Tatenay yetïn pö lalwa Yuparet okumpö ta nko Syetar Posenay nko yetïntin walaka lenyini kimwa Daryas pöytoghintö.