OMTOGHIN 2:8 - PIPÏLIA

⁸ Kyotïkumchan kegh ngat ropïyen nko koltin nko kaplawach nyo pö pöytoghin nko cho pö koroswe walaka cho kyapaytan. Ki tumwanïn mïrön nko kor atangarakan, kyopön chemïnïngwen* cho teno cho kyomökan.

OMTOGHIN 2:8 Referans Kwoze

1 PÖYTOGHÏ 10:10

Atolapay kïropchï kokonay le pöytoghin pö Syepa Solomon tïkwïn cho kipuno korenyi. Kingata nïkisyengwa kilen 4,000 cho pö koltin nko tïkwïn cho ngutoy cho onyïn cho chang nko sanay cho chang cho pö olyot nyo wow tya. Kitomönye kïnyorï pöytoghintö Solomon tïkwïn cho ngutoy cho onyïn cho teno choni.

1 PÖYTOGHÏ 9:28

Kïpa ntökwitïta Opir akïmïloncheghö wöloni kwipu koltin cho tïlöy kilen 14,000.

2 SAMWEL 19:35

Otïngetan ye könyis 80, melö tosïwïyan kïgh nyo karam nko nyo gha amelö tonkïtön kïgh nyo kyomöy anta cho kïgheghöy amolïmanye kutïwa tumï. Pö ne nyu alïkwan nïkisïn ompö nyi nya pöytoghin?

1 PÖYTOGHÏ 10:14

Kinyorï pöytoghintö Solomon köny anka tïkwïl kilen 23,000 cho pö koltin,

AMOS 6:5

Ochömekwa omïne tumwöy atumö pkurerun le wölo kitumöy pöytoghintö Daudi.

DANIEL 3:15

Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

DANIEL 3:7

Kïlenyona nyini kilïm pïchoni chöghöto tïkuchoni kïkïtïng löwïr akïsagh körkeyïn pö koltin nyo kigh Nepukadnesa.

DANIEL 3:5

‘Nyini kalïmakwa chöghoto kontin nko pkurerun nko pïkantis cho sisinchö nko kari tumwöy walaka. Okïtïng asagh tororötay pö koltin kigh Nepukadnesa.

2 OTÖPTINO OSIS 9:11

Kigh pöytoghintö ompö keti alkum wölo kïpustegho kepetöy Kö pö Tororöt* nko kö pö pöytoghin nko pïkantis cho pö tumï möminye akong ompö choni cho kikikesïwechï koro Yuda.

1 OTÖPTINO OSIS 25:6

Kilïwöy werkachi tokigh akïpïtöy pïkantis akï papongwa nyo kintöghoghchini ompö saghat Kö pö Tororöt.* Kighyongchini pöytoghintö Asap nko Yedutun nko Eman.

1 OTÖPTINO OSIS 25:1

Kikïl Daudi nko kintöghoghi pipö Lawi pïchï pö ara Lawi kuntöghoghchï ighisyo saghat: Asap nko Eman nko Yedutun. Chane cho kimwowu ngölyonto Tororöt ompö pïkantis nko tokigh. Chï kï pïchoni kikïkïl kuntöghoghchï saghat nko ighisyengwa nyo kighöy.

1 PÖYTOGHÏ 14:27

Ato mi löt kwigh Reopoam longoy pö kari taghoy cho kiker chay pö koltin akutö ripï cho kiripöy ortïneko katanyi.

1 PÖYTOGHÏ 10:21

Kikigha koltin kikompen löwïr cho kigheghsyegho pöytoghintö Solomon nko tïkwïn löwïr cho kikïpöghisyegho ompö köyoni pö Wuw pö Lepanon. Melö kipöghisyegho silpa, ompöwölo ki kwïle chona ompö osiswo Solomon.

1 PÖYTOGHÏ 9:14

Akwanyï kökikutö Iram Solomon koltin cho pö kilen 4,000.

1 PÖYTOGHÏ 11:3

Kwip Solomon kor 700 cho kile tipö pöytoghï, akïtas ngat chemïnïngwen* cho le 300. Koruchoni cho kigh Solomon kïpïstö Tororöt,

OMTOGHIN 1:2

Lentöy Omtoghintö, “Kwïle, kwïle. Kwïle löwïr!”