NGÖTÏNYÖ 8:27 - PIPÏLIA

²⁷ Kyomitan otini kitor nyinte kwigh yïmwöy, otini kichwer machey kuwit nanam parak,

NGÖTÏNYÖ 8:27 Referans Kwoze

AYUPU 26:10

Kiwach nanamtin kuwit lö tïlkwïch, wölo le rotyo löpoyïn nko tuwïn.

ISAYA 40:22

Kigh nyinte nyini töpo ngacharunyi nyo mi wölnö le mïröt, poltoy parak. Karkegh pich cho möngöy ngwïny ompö nyinte nko kolyong. Kighïtö yïm le ananka le ema nyo kïmöngöy.

NGÖTÏNYÖ 3:19

Kitor ECHOTYON ngwïny ompö ngöghomnyö akïkatkat yïmwöy ompö chïreryenyi.

KOLOSAY 1:16

Ompöwölo kigh Tororöt tïkwïn löwïr ompö nyinte, ato kö tïkwïn cho mi yïm anta kö cho mi ngwïny, kö cho kïsïwïyi anta kö cho mökïsïwïyi. Kigh tïkwïl cho tïng owesyo mïkulis nko pöytoghï nko wowïntin. Kigh Tororöt tïkwïn löwïr kuwerï Kristo akwompö nyinte.

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

TUMWÖY 136:5

Kigh nyinte yïm ompö ngöghomnyenyi, töpo chomnyenyi kokay.

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

TUMWÖY 103:19

Ketö ECHOTYON ngacharu paytaghtanyi yïm akïpöytoy tïkwïn löwïr.

TUMWÖY 33:6

Kikigha ngölyonto ECHOTYON yïmwöy, kikigh tïkwïn löwïr cho mi oringwa ompö kimïnytanyi.

NGÖTÏNYÖ 8:26

otini kitomönye kwigh nyinte ngwïny nko koroswechi, anta chini le nyïngwi pö tagh.

NGÖTÏNYÖ 8:28

otini kitor poltoy ompö yïm, akwigh kori pöghon ompö nanamtin ori.