NGÖTÏNYÖ 6:23 - PIPÏLIA

²³ Ompöwölo kitömöwon kirurutyononi, akï löpoyïn kinetutyononi, kara kong nyo pö pïröt kï ara söpon,

NGÖTÏNYÖ 6:23 Referans Kwoze

TUMWÖY 119:105

Kitömöwonto keltönyan ngölyontengu akï löpoyïnto arenyan.

2 PETRO 1:19

Aketïngetecha man ompö lökoy cho kimwowï werkoy. Nyo oghekwa nyo karam ato arïpakwa ngalechoni, ompöwölo karkegh nko kitömöwon nyo lïwuno wölo tuw ntökïtenö kuwas Asisoni akulïwchï mïkuliskökwa löpoyïn pö Kristo le wölo lïwchini kiwasan tapogh pö ngwïny.

TUMWÖY 19:8

Pö man kinetut pö ECHOTYON, töni mïkulögh kïturön. Tïlilöch ngala ECHOTYON, töni löpoyïn konyïn.

NGÖTÏNYÖ 15:31

Töpo chi kwenu pich cho ngöghomöch nyo lïmöy chilut cho karamach.

NGÖTÏNYÖ 4:13

Inam kinetut lasiny, mepïstö. Ikaman lasiny, ompöwölo söpontöngu nyinte.

NGÖTÏNYÖ 4:4

Kinetanïn nyinte tïkwïl lö, “Nya kïtïpï ngalechan mïkulöwungu aikaman kirurutköchan atesöpö.

YEREMIA 21:8

Atolapay kïlenchanïn ECHOTYON lenchinö pïchoni lentöy ECHOTYON, “Atera, kotönön tawunkwa ara söpon nko ara meghat.

NGÖTÏNYÖ 29:15

Ipu lïkïp nko chilat ngöghomnyö, wölo ipchini kame arasï monïng nyo kakïpïstö kïtirayan.

NGÖTÏNYÖ 15:24

Töngöy ara chi nyo ngöghom parak wölo mi söpon atökïchïwïta nyinte ngwen wölnö le pïrïm.

TUMWÖY 141:5

Nya kïchilanïn chi pö man, akungarakanïn chi nyo ghanate, kïtïl kuyil mötïnyan mwokïyis cho osoghchinan kïtenö osis lö töpïstö ngokikwa.

NGONGUT 2:5

Nana nyu wölini kipïtïtenyi! Kötenö ngokiku aigh ighisyewut chini kighenyi tagh. Wölo ato mekötenyinye ngokiku, otunan wölo iminyi, anateghan kelto tayengu ompö otanyi.

ISAYA 8:20

Oyokyinekwa pïchoni lö, “Atera ngalechï mwowokwa ECHOTYON! Moteröy ngala oy, ompöwölo melö onyorunokwa chane löpoyïn pö kiwasan.”

NGÖTÏNYÖ 3:18

Ket pö söpon ngöghomnyö ompö chane cho rïpöy lasiny akusoyönote anka tïkwïl nyo nomnyotoy nko nyinte.

NGÖTÏNYÖ 5:12

ilenyi, “Wechï kyataghan kerurön, akisas mïkulöwunyan chilat!

LAWIN 19:17

“Merey werïngwo ompö mïkulöwungu, wölo asata ngalekwo nko nyinte atömamïn ngokï.

TOWUNÖT 39:8

Wölo kïtagh Yosep akïlenchï korketo echotyontenyi, “Rose lö, omitan yete amelö tökïsïngo echotyontenyan kïgh anka tïkwïl nyo mi kö, akwanyï ketö nyinte tïkuchi löwïr morichan.

TUMWÖY 119:130

Ingongunenyi ngaleku kïkonï löpoyïn akuporchini sölwöy ngöghomnyö.

NGÖTÏNYÖ 10:17

Mi ara söpon chi nyo chomöy kepïr, wölo potöy chi nyo töghöy chilat.

OMTOGHIN 7:5

Kaykay keterchï chi nyo ngöghom chilatenyi kïtïl kïtum sölwöy tumwöy cho kwolinyi.

OMTOGHIN 7:26

Onyorwan kïgh nyo ngwan kïtïl meghat, nyoni kï korka. Nöminyi chomnyenyi nyo koninyi nyinte le ngöghöp nyo karkegh ewunechi nko sïrïmtin, chi nyo wöghöy Tororöt nyo chïwïto nyinte, wölo nömöy nyinte chi pö ngokï.

ESEKEL 20:11

kyotönön chane kiyomisutköchan nko kirurutköchan, cho ato ripchi lasiny kïsöpöy.