NGÖTÏNYÖ 6:17 - PIPÏLIA

¹⁷ Kwolöto kegh nko ngalyap nyo mwoghöy putintön, nko ewun cho mïltoy kisön cho mötïnye lelut,

NGÖTÏNYÖ 6:17 Referans Kwoze

NGÖTÏNYÖ 12:22

Lilöy kigh ECHOTYON kut nyo mïröy putintön, wölo ngörökyini nyinte chi cho pöghisyegho man.

ISAYA 1:15

“Kïrkegh kosyolökwa ewunekwo parak ompö saghat, kïmelö orosokwa, kïrkegh kamwaghakwa sowut cho tya, kïmelö olïman, ompöwölo nyïghitate kisön ewunekwa.

TUMWÖY 101:5

Opöran chi nyo swomöy pöröryenyi sison amomïkukönchinanye pkatis nko menot.

TUMWÖY 5:6

Inyorenyi cho mwoghöy putintön. Reyöy ECHOTYON pich cho mïltoy kisön nko cho tïsöy pich.

ISAYA 3:9

Kïsïwïyegho tokochwekwa lelutkökwa. Ighöy chane ngokikwa kesïwïye le cho pö pipö Sodoma. Wechï nyarïl ompö chane! Kepchï kegh nyarïl akunkït!

NGÖTÏNYÖ 21:4

Konyi sas nko mïkulögh nyo kwolöy kegh, kuporu lötok ngoki pich cho ghach.

KINONO KIRURUT 27:25

“ ‘Chïpote chi anka tïkwïl nyo kitöni asoya atökïpar chi nyo puryö lelut.’ Kuyokwï pich löwïr lö, ‘Amen!’

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

ISAYA 3:16

Lentöy ECHOTYON, “Arose köny wölo nisonchot koru Yerusalem kïlïkwï! Syolöy chane sörunöyikwa otini pestoy, akïmi kïngölono konyïn, pestotoy ompö kinisanat tökelïm karïn cho chöghsot cho kilïwo aghisay atay le kutïng nko cho chöghyegho kowo monion.

NGÖTÏNYÖ 26:28

Ghöchini ngalyap nyo mwoghöy putintön pïchoni kekotön, akwighöy kiwurat kuti lïs.

TUMWÖY 18:27

Isörunenyi chane cho tölose, irekunenyi chane cho ipöy kegh parak.

2 PÖYTOGHÏ 24:4

kipar nyinte pich cho kipuryö lelut kuyintegha kisön ortïna Yerusalem. Melö kimï ECHOTYON kïlöstoghchï Manase ompö ngokichoni.

KINONO KIRURUT 19:10

tömökïmïlta kisön cho puryö lelut ompö korenkwa nyo konokwa ECHOTYON Tororötïnkwa tömamak kisön pö pich.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

NGÖTÏNYÖ 30:13

Mi pich cho kwolöy kegh kïtya ompö konyikwa akiköpurisyö konyikwa kïtya!

NGÖTÏNYÖ 14:5

Mömïrönye put söwin nyo kighönöy, wölo mwoghöy putintön söwin nyo melö kighönöy.

TUMWÖY 31:18

Ikar kutïwa pö pïchoni le putï, pïchoni menöy akïkwolöy kegh, pich cho sösöy pipö man.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”

NGÖTÏNYÖ 17:7

Metenönye kelö pkono ngala cho karamach kuti sölwö, kïgha nyu kïtya putintön nyo ngïno kuti pöytoghin!

NGÖTÏNYÖ 1:11

Ato mwowun chane lö, “Nyonö kepe keyaratena chi kepara, kïrkegh kömötïngcha lelut.

TUMWÖY 131:1

Mosïtanye kegh parak we ECHOTYON, kopïstan kwolöto kegh. Melö oyongan tïkwïn cho echön anta ngal cho rïntoy owesyenyan.

TUMWÖY 10:4

Kwolöy kegh mwokïyon amöyongönye ECHOTYON. Nonöy lö, “Möminye Tororöt.”

NGÖTÏNYÖ 1:16

Ompöwölo ryoghchini chane ngokï kwigh akïmi kïpsach kïmïlta kisön.

NGÖTÏNYÖ 6:16

Mi tïkwïn cho le mut nko akonga cho töghöy ECHOTYON, owöy, mut nko odeny cho ghöchini nyinte:

NGÖTÏNYÖ 28:17

Ato sus kegh chi ompöwölo kamïlta kisönko chitö anka, akany kïlïkwï pïnotyon ntökïma, mengarak chi nyinte.

YEREMIA 26:15

Wölo onkïtï nyo pö nyoman lö nyini kotïghanïkwa, kï kopchikwa kegh nko kanasyantanï nko pich löwïr nyarïl ompöwölo kotïghökwa chi nyo mötïng lelut. Omwoghan lenyoni ompöwölo man nyini kamwaghan lö, ECHOTYON nyinte nyo keyokwanïn angwïn orirwokwa lenyoni kalïmakwa.”

2 PÖYTOGHÏ 21:16

Kipar Manase pich cho chang cho kipuryö lelut kuyintegha kisön ortïna Yerusalem le pögh akwigh pipö Yuda kwigh ngokï ompö tawu ECHOTYON.

TUMWÖY 5:7

Wölo ongwïnan Kongu ompö chomnyengu nyo pö kokay atasaghinyi ompö rïngata kegh ompö Kongu nyo tïlil.

NGÖTÏNYÖ 16:5

Ghöchini ECHOTYON chi nyo le menotyon, onkïtï nyo pö nyoman lö möchïwïtonye chichoni mungöt.