NGÖTÏNYÖ 5:22 - PIPÏLIA

²² Nömöy mwokïyon ngokichi kegh, akïrat nyinte sïngata ngokichi.

NGÖTÏNYÖ 5:22 Referans Kwoze

NGÖTÏNYÖ 11:5

Ntöghoghchini man pö chi pö man arenyi kuten, wölo pïtyini mwokïyon ghöyityenyi.

NGÖTÏNYÖ 1:18

Syepisiyi akuwany nyo loko kegh opïn ighöy ngöghöp.

TUMWÖY 9:15

Kakïchïnchï pipö punton pïrïm nyo kapal chane, nömöy chane ngöghöpungwa.

EPRANIA 13:4

Mïchini kïkonyït pich tïkwïl kensyö osis löwïr, mïchini kumpur ngetot nko korukwa ompö kighanat, ompöwölo rwokyini Tororöt pich cho le cheporestin kalomok.

YEREMIA 2:19

Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.

OMTOGHIN 7:26

Onyorwan kïgh nyo ngwan kïtïl meghat, nyoni kï korka. Nöminyi chomnyenyi nyo koninyi nyinte le ngöghöp nyo karkegh ewunechi nko sïrïmtin, chi nyo wöghöy Tororöt nyo chïwïto nyinte, wölo nömöy nyinte chi pö ngokï.

NGÖTÏNYÖ 11:3

Ntöghoghchini mantangwa pich cho pö man wölo wongöy mwokïyis kipotötengwa.

KIYITUT 32:23

Wölo ato maghakwanye lenyoni, kïkaghakwa ngokï ompö tawu ECHOTYON, onkïtï nyu lö, ngongtenekwa ngokikwo nyo motïny.

KIRWOKÏ 20:41

Kïmïlisyö nyu pipö Israel akïporyeghö chane, kïmïghyö pipö Penchamen, ompöwölo kisïwa lö kichïnchï chane nyarïl.

TUMWÖY 40:12

Kewitanïn kömpölelut cho makïrar. Kelumanïn lelutköchan ntömosïwïyanye or chang lelutchoni kïtïl puto mötïnyan nyo kimeghanïn ye nyu mu.

LOK 1:14

“Kisup Echotyon ngokichan löwïr akuwusö katïnyan kutunganïn le nyayma Kipïsyanïn ECHOTYON mori punkachan cho kimokönganye ompö poryot.

KIRWOKÏ 9:57

Kigh Tororöt ngat pipö Syekem kuwongwï ompö ghöyityengwa. Kingwïnchï chane chïpöto Yotam wero Kidyon nyo kichïpisyö.

1 PÖYTOGHÏ 18:18

Kuyokyï Eliya lö, “Melö ani nyo kosus pipö Israel, wölo nyi nko piko orenkwa. Kopïstekwa kirurut pö ECHOTYON, arïpakwa körkeyïntino Paal.

ESTA 9:25

Wölo otini kinkïtï pöytoghintö ngaleko wökononi, kukirta palalyan nyo kikar rïmononi gha ompö pipö Yaudi kimwowï Aman akïmwatïta kewudochï Aman ket nko werkachi.

AYUPU 18:8

Ompöwölo ipöy kelyechi nyinte kïlït net, akwotini westoy muköy kelyechi kïlït ngötut.

TUMWÖY 9:17

Petöy mwokïyis ngwen nko pipö punton löwïr cho wutyegho Tororöt.

NGÖTÏNYÖ 11:6

Söru pipö man mantangwa, wölo nömöy mwokïyis pïrchinoghtinekwa.

NGÖTÏNYÖ 12:14

Pïghyongoy chi köromnyö ompö ngalechi nko ighisyenyi akeyokyini chi pöghisyewutko morichi.

NGÖTÏNYÖ 14:32

Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.

NGÖTÏNYÖ 18:7

Nyoröy sölwö kutinyi, akï ngöghöpu söpontanyi ngalyapunyi kegh.

NGÖTÏNYÖ 24:12

Ato olekwa, “Melö kinkïtöcha ngalechoni,” möpköchininye so nyinte nyini pimöy mïkulis? Amenkïtunye nyinte nyini ripöy mïkulöwungu akwighchï chi kïrïp kegh nko ighisyewutkachi? Ngöghomnyö nyo pö tömönut odeny nko mut nko akonga

NGÖTÏNYÖ 26:27

Chïnchini chi pïrïm nyo kapal nyinte, akuyokyini kogh chichoni ketor kamïlmïlta.

OPADIA 1:15

“Kakïrich ato orwokyinan ante ECHOTYON pipö koros löwïr. Kïkany nyi we Edom, kiwunyi lenyini kighchinyi pikö walaka.