26 Iros lasiny weröy kelyeku, atökïchïchïm ortïneku löwïr.
Aleta tagh arïpa or nyo ghïteghote, tömöngwal kel nyo chirate, wölo tökesop.
Ato ngörökyini ECHOTYON otöpö chi pö man, kuntöghoghchini pantanyi.
Olentan, opï köghïteghote ortïnechan lachïs, ompö otini orïpan kikirutköku!
Wölo ghanate Echotyon nyo ighokwa achïchïma akïripenokwa Mwokïyontonay.
Arosa otöptonekwo.
atökwigh mïkuliskökwa kïchïchïm, atalïkuna pich cho motïngcha lelut, atotïlilitunö ompö tawu Tororötïnyo akï Paponyo, otini ketï Echotyontenyo Yeso nko pikachi löwïr cho tïlilöch.
Kïlenyono malïkwï sölwöy, wölo onkïtunö lö ne nyo le machata Echotyon.
Ompöwölo kenonchï kegh, akïwaghakegha ortïnechi chï ghach kïmömeghönye, wölo söpöy.
Ato ananan otöptinechan, owöghökyan kegh kirwokutköku.
Ompöwölo sïwïyi ECHOTYON ortïna chi, akunkït nyinte ortïna chi anka tïkwïl.
Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.
Möyongönye ara söpon, turotoy kïsamta amenkïtunye.
Kingwïsunenanïn pïrïm, ongetunö norayon akutönanïn oghyongö ghat atïkatan wölo anger.
Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.
Nya kura konyiku tagh onkït aitopön tagh.
Ngörekyini chi nyo mötïngnye chïreryö sölwontön, wölo ighöy chi nyo tïng pköchin arenyi kïköchï.
Ighöy kegh mwokïyon lö ochï nyakan, wölo nonchini chi nyo tenote lasin wölo wetïtoy.
Tera werïnyu aingöghomitï, aisötyï mïkulöwungu or nyo pö man.
