NGÖTÏNYÖ 31:26 - PIPÏLIA

²⁶ Ngölonöy nyinte ompö ngöghomnyö, akïmi kinetutkachi cho pö tölosyö ngalyapunyi.

NGÖTÏNYÖ 31:26 Referans Kwoze

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

NGÖTÏNYÖ 16:24

Lenye ngala cho karamach kumat, onyïnchini söpon akï karamach ompö por.

NGÖTÏNYÖ 10:31

Ngwïno ngöghomnyö kuti chi pö man, wölo kitöghöy ngalyap nyo masteghate.

NGÖTÏNYÖ 12:18

Mi chi nyo sortegho cho toröy pich le chok wölo ipu kuti chi nyo ngöghom kisopöt.

KOLOSAY 4:5

Alïkuna pich cho ngöghomöch ompö tawu pich cho tomöcha kughan Echotyon, apöghisyeghö nyo karam pöroyïn anka tïkwïl nyo otïngetö.

NGÖTÏNYÖ 25:15

Muko kekïnkïn pöytoghin ompö mïkukönöt, akumuköy ngölyon nyo talase kuriy kowö.

1 PETRO 3:1

Kïlenyoni tïkwïl, mïchinokwa kor oterchinö santokökwa, tötomi walaka cho tomöcha kughan ngölyonto Tororöt, kumuköy ompö otöptönkwa nyoni kumïtu chane kughan kïrkegh möminye ompö ngölyon nyo komwochikwa.

MALAKI 2:6

Kinet chane ngala man, amörumunönye putintön kutïwekwa. Kitïpï chane nko ani nyo karam akïmöngisyö kwighöy man. Melö pat kigh man kïpoto, wölo kimï kurur pich cho chang kïpïstö ara ngokï.

KIRWOKÏ 13:23

Wölo kuyokyï korkenyi lö, “Ntökömököy ECHOTYON kïpörecha, melö kötö chömöy amörostöncha nyay kakïpelacha anta tach pïsyecha cho kikitöteghö ewunecho, amelö kötemuköy kuporwecha tïkuchoni löwïr kakïsïwecha, amelö kötömwoghwecha ngal cho lata choni.”

ESTA 5:8

“Ato konyorwan chömchin ompö pöytoghin, akwoto kesïwenyi pöytoghintö lö, karam konaninyi kini osoman, omökan apkanakwa nko Aman ngat olïkune toyechan asïyech ompö omisyö anka nyo oghwokwa. Atoni nyu ato omwowunyi kini omökan.”

IGHISYEWUT 18:26

Kutor kïngalan ompö nyakanat ompö kö pö saghat. Kïkany kïlïm Prisila nko Akwila ngalechi, kumït nyinte kïwö katangwa akuporchï nyinte lasiny ara Tororöt

IGHISYEWUT 6:15

Kungwïryel Stepano pïchay lapay kimpuröy Kokwö, kïsïwa tokochunyi lö kilata tokochu malaykayan.

LUKA 1:38

Kïlö Marya, “Ochan mötworinto Echotyon, nya kwigha lenyoni kemwaghanyi.” Atolapay kïwechï kegh malaykayantanay.

TUM PÖ TUMWÖY 4:11

Tökuno onyïniö kutingu le yit pö möghen, cheptönyo. Anyïn ngalyapungu ompö ani le chö nko kumat. Ngutoy sïroköku keti Lepanon.

TUM PÖ TUMWÖY 2:14

Aso cheptukwenyu nyo kewïnga kegh karerpa ghat, nya asïwan tokochungu, aikany alïman kutingu, ompöwölo anyïn kutingu akïpïchigh tokochungu.

ESTA 4:4

Otini kipka tipïn nko latan* cho kipöghisyechini Esta, kïpa kïmwochï Esta koko pöytoghin kïgh nyo kigh Mordekay. Kusus kegh Esta nyoman, kutötö sïro kepchï Mordekay kulak atökïngwïsta sarankwachtin cho kiloköy, wölo kïtagh sïrochay.

NGÖTÏNYÖ 31:27

Rosöy lasiny otöptineko piko konyi amötöponye ngwïny kwïle, omöy kighotichi.

NGÖTÏNYÖ 19:14

Nyoruno chi tïkwïn nko sïkönöt katangwa, wölo nyorchini chi ECHOTYON korka nyo ngöghom.