23 Iwesïtonyi nyu ompö kalya, amelö kwötinyi kigh.
Westoy chi nyo karam ompö man, wölo kinkïtu chi nyo masteghate ortïnechi.
Ato iwestonyi, kïmöminye kïgh nyo rötöy, anta ato irïpönyi kïmöminye kïgh nyo kwötinyi.
Möpïstoninyinye ntepït, mötönkörönye ripintengu.
Komöno mïkulöwunyi kirurut pö Tororötïnyi amelö chitöy kelyechi.
Oghan piköchan kïsïch owesyö, konyïtanïn nyu chane akïsal kaynenyan.” Mwoghöy ECHOTYON.
akïripöy ortïna man akïrïp ortïneko pikachi cho tïlilöch.
Ripinyi ECHOTYON otini kewenyi nko otini kerotunyi, kïngata ye nko kokay. Daudi nyo kïtumöy ato kïpustoy Yerusalem.
Tïngeto kalya pich cho chömöy kirurutköku, möminye kïgh nyo ighöy chane kwotyö.
Ntöghoghunyi ato iwestonyi akïripinyi ato irïwöy. Kïkany ngetanyi, kïngölonunyi.
Möminye ompö akong ompö chane nyo oghököy, anta nyo pïtyini ngwïny. Amöminye nyo muköy anta rï rïwön. Möminye angwa mu nyo kipörchochöy anta angwa kweghyon nyo kingat.
Nyanya kipesyö pögho nanam akuntöghoghchï pikachi kuwer pögh ori atökïsïkï kegh öroryö nyo pö kokay?” Ompöwölo kintöghoghchï ECHOTYON, kuwer chane pögh ori le angoletin cho weröy kor wölo le surkwen ompö kelyekwa akï melö pïtyot.
