NGÖTÏNYÖ 29:23 - PIPÏLIA

²³ Reytegho chi menotönenyi, wölo nyoru konyït nyinte nyo ipöy kegh ngwïny.

NGÖTÏNYÖ 29:23 Referans Kwoze

MATAYO 23:12

Chi anka tïkwïl nyo syolöy kegh kerekuno, kïkany nyo rekuno kegh kesyolöy.

LUKA 14:11

Ompöwölo chi anka tïkwïl nyo syolöy kegh kerekuno, kïnyïl anka tïkwïl nyo reytegho kegh, kesyolöy.”

NGÖTÏNYÖ 11:2

Ato ngwïn menötön, kungwïnöy tïkwïl arasï, wölo mi ngöghomnyö nko chona ipöy kegh ngwïny.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”

NGÖTÏNYÖ 15:33

Kewagh ECHOTYON kï kö pö ngöghomnyö, akïnyoghöy tölosyö konyït.

NGÖTÏNYÖ 16:18

Rïpöy kinyarata menöto kegh, kirïpöy chïntagh kwolöto kegh.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

NGÖTÏNYÖ 18:12

Nyoghöy chi kïmenöy kïtomö kïchïnta, wölo nyoghöy tölosyö kïrïpöy konyït.

MATAYO 18:4

Chi anka tïkwïl nyo ipöy kegh ngwïny le monïngï, kï nyinte nyo wow ompö Pöyunöto Yïm.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

KINONO KIRURUT 8:16

Kipaghenokwa nyinte mana nyo melö kinkït papotïnekwa atökïtyamakwa, atökwighwekwa nyo karam ato le löt.

AYUPU 40:12

Rosa chi anka tïkwïl nyo le menotyon, tetyorunö nyinte kïrökwï. Tyokyïnö ngwïny mwokïyis ompö otini ghyongo.

MATAYO 5:3

“Soyönote pich cho nkït lö kïchï mey ompö tawu Tororöt, ompöwölo nyingwa Pöyunöto Yïm!

AYUPU 22:29

ompöwölo reku Tororöt pich cho syolöy kegh wölo söru chane cho rïngöy kegh.

IGHISYEWUT 12:23

Kïnyini lawel kïmuny malaykayanta Echotyon. Kuyin nkut, atolapay kïma ompöwölo kimetönye Tororöt konyït.

NGÖTÏNYÖ 16:19

Kayakay kumïnïngit kegh chi akïtöpö nko mey, kïtïl kupar chi pöröw nko menot.

NGÖTÏNYÖ 17:19

Chömo kegh ngokï chi nyo ngetu syala, kïkany ato parta chi kegh, kïyöröy kiwonyogh.

NGÖTÏNYÖ 22:4

Ropöwonto tölosyö nko kiwaghata ECHOTYON, kï mökosyö nko konyït nko söpon.

OPADIA 1:3

Kalïsinyi menötengu, otï kesïwenyi lö kikïtekyï kanasyantengu nyo wow ghat parak, aimöngenyi kutïng nyo kogh. Inonchinenyi kegh lö, ‘Nyorwanïn ngo ntökureytanïn ngwïny nya?’ ”