NGÖTÏNYÖ 28:22 - PIPÏLIA

²² Rïpchini sïkönöt chi nyo gha kong, akïmenkïtnye lö ityini nyinte meywontön.

NGÖTÏNYÖ 28:22 Referans Kwoze

1 TIMOTEO 6:9

Wölo pich cho möro kong sïkönöt kupïtyini työmut akupïtyini chane ngöghöp nyo pö pïrchin cho ghach cho puryö kinyiwut, cho chutöy chane kïröytoy wölo mi wïrata nko kinyarat.

NGÖTÏNYÖ 23:6

Meam omisyo chi nyo tupu kinyi kong, amepïrchï omisyewutkachi cho onyïn,

NGÖTÏNYÖ 28:20

Nyoru perur nyo wow chi nyo ghanate, wölo nyoru sitöt chi nyo komchini sïkönöt.

MARKO 7:22

pïrchin nyo gha, köromnyö, lïsat, kelïkwï chepomu, ketora kipö chi kong, kiswomöt, kwolöto kegh nko sölwontön,

MATAYO 20:15

Kömotïngetanye so man otötö tïkuchu le wölo komöktoy? Kelilinyi so köromïntanyan?’ ”

TOWUNÖT 19:17

Kïkany kumïtuna chane kanasyan kïpka sany, kïlenchï malaykayan akong ompö malaykenichay, “Aryagha tosörunö kegh. Maros löt, amoghyongö wölnö le mpöghogh: oryöghchinö wölnö le kutïngkot, tömowonyö.”

NGÖTÏNYÖ 21:5

Ipu tötut pö chi nyo kilöy kegh chongïn pö tïkwïn, wölo chichona sörchini tïkwïn kïlïku meywon.

NGÖTÏNYÖ 22:16

Chi nyo reyöy mey tökïtas sïkönötenyi anta nyo töni tïkwïn sïkön, kïlïku nyinte asïyech meywon.