NGÖTÏNYÖ 28:13 - PIPÏLIA

¹³ Mönyorunye perur chi nyo wïngöy lelutkachi, wölo nyoru kisyonöt nyinte nyo ngongtoy akïpïstö.

NGÖTÏNYÖ 28:13 Referans Kwoze

AYUPU 31:33

Kyawïngan so ngokichu le Adam, otïpchï ghöyityenyu mïkulöwunyu.

AYUPU 33:27

tumoy tawu pich akïlö, ‘Kyaghan ngokï aghan kïgh nyo tenate kïmasta, wölo melö kyonyorwan sitöt ompö kïyoni.

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

TOWUNÖT 4:9

Kïtep ECHOTYON Kain lö, “Mi onö werïnkwa Apel?” Kuyokyï lö, “Eso! Kochan so ripinto werïncha?”

NGÖTÏNYÖ 10:12

Ngetöy kireyata poryot, wölo körtoy chomnyogh lelut löwïr.

1 SAMWEL 15:30

Kïlö Saulö, “Kyaghan ngokï, wölo konyïtante ompö tawu poyi pich nko ompö pipö Israel aiwö Kilkal nko ani atowan asagh ECHOTYON Tororötïngu.”

1 SAMWEL 15:24

Kïlenchï Saulö Samwel, “Kyaghan ngokï, ompöwölo kyataghan kirurut pö ECHOTYON nko ngal cho kimwowaninyi. Kyoterchan pich ngalekwa ompöwölo kyawaghan chane.

NGÖTÏNYÖ 17:9

Chi nyo mokïtöy kwïyït, kïyöröy chomnyogh, wölo chi nyo rötöy ngal kupesyot kongot.

1 SAMWEL 15:13

Kïwö Samwel kutang wölo mi Saulö, kïlenchï Saulö nyinte, “Nya kusoyöninyi ECHOTYON, kaghan ngal löwïr cho kömwowanïn ECHOTYON.”

LAWIN 5:5

“Ato kinam ngokï chi ompö tïkuchoni, kïmïchini kïnganyta ngokichi

2 SAMWEL 12:13

Kïlenchï Daudi Natan, “Koghchan ngokï ECHOTYON.” Kïlenchï Natan Daudi, “Kikïlasta ECHOTYON ngokiku melö imeghenyi.

2 SAMWEL 14:32

Kïwöghökyï Apsolom Yoap lö, “Kyoyonwan chi kungwïn wölo imitenyi lö, ‘Nyonö wölï tewïyö wölo mi pöytoghintö aitepï lö, “Kitö angwïnan Kesyur nyo pö ne? Mökitö ngwangwanye ompurön wölini?” Omökan ye nyu mïtaninyi wölo mi pöytoghintö, ato otïngetan lelut kïparanïn nyinte.’ ”

ESRA 10:11

Anganytena ngokikwo ye nyu ompö tawu ECHOTYON Tororöt pö papotïnekwo agh machatenyi. Amala kegh ompö pipö koronï, ayon tipikwa cho kyopökwa.”

NEEMIA 9:2

Kïmala kegh pipö Israel pipö punton löwïr, kughyö chane akïkötö ngokikwa nko cho pö papotïnekwa.

YEREMIA 2:35

kïtelentenyi, ‘Kegh ngo ne nyo gha, nyo melö töngwanïn nörekyo ECHOTYON.’ Wölo orwokyininyi ompöwölo kelenyi, ‘Maghanye ngokï.’

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

KIRWOKÏ 10:15

Wölo kïlenchï pipö Israel ECHOTYON, “Acha cho kikigh ngokï. Ighanyi kïgh nyo kesïwenyi lö karam, wölo kaykay sörwecha ye.”

2 PÖYTOGHÏ 20:15

Kïtep lö, “Akïne nyo kasïwa chane ompö kongu?” Kuyokyï lö, “Kasïwa chane tïkwïn löwïr, möminye kïgh nyo melö koporchan ompö korichan.”

2 OTÖPTINO OSIS 6:26

“Ato pech korö akupot ilat ompöwölo keghunyi piköku ngokï, akïkötö ngokikwa akïpka chane wölo imitenyi ompö rïngata kegh ompö köyete kïsogheninyi,

ESRA 10:2

Kïlenchï Syekania wero Yeiel nyo pö ara Elam Esra, “Kikepenyacha ngala Tororötïnyo otï kakipöcha tipi puntonichï möngöy koronï. Wölo kïrkegh kïlenyoni kïtö kïmi kikönötö Israel.

AYUPU 34:31

“Ayo, mi chi ato le nyete nyo kimwochï, Tororöt lö, ‘Köngwonchanïn sitengu moghanye ngokï ngat.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

YONA 3:10

Nyini nyu kisïwa Tororöt lö kipïstö chane ortïnekwa cho ghach, kïwaghaka kïmolchï kamas kïgh nyo gha nyo kikakïmwa lö oghchini chane.