NGÖTÏNYÖ 27:12 - PIPÏLIA

¹² Sïwïyi chi nyo ngöghom tapan akïwïny kegh, wölo letöy tagh sölwöy ntökïnyorï nyarïl.

NGÖTÏNYÖ 27:12 Referans Kwoze

NGÖTÏNYÖ 22:3

Wïngöy kegh chi nyo chïrer, ato sïwa tapan kungwïnöy, wölo sörpopchini sölwö tapan ori lödïr kwam nyarïl.

NGÖTÏNYÖ 18:10

Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

EPRANIA 11:7

Kigh kighanata Noa kïlïm rirunata Tororöt ompö ngal cho kitökïpkonöy cho kitomöcha kesïwa. Kïter Noa kuti Tororöt akïtek meli nyo kikuro Sapina tökïsörï kegh nko katanyi. Akwompö ngalechoni kerwokyï ngwïny akïlïkwï nyo kinyorï Noa tïlilyö kungwïna kighanatenyi.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.

MATAYO 3:7

Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

NGÖTÏNYÖ 27:11

Ngöghomituno werïnyu aigh mïkulöwungu kïngarak, atamukan oyokyï chi nyo gheghchinanïn.

NGÖTÏNYÖ 27:13

Chenga sïra chi nyo keghyongchï ton, ainam nyinte kïkar pösönto tontononi.