3 Kïteköy kö ompö ngöghomnyö akechïchimo ompö pköchin.
Teköy korka nyo ngöghom konyi, wölo ngongöy sölwö konyi ompö morichi kegh.
Ompöwölo kïpöghisyechinecha Tororöt tïkwïl. Ochikwa para Tororöt achï konyi.
Kikïtek ngöghomnyö konyi, akïparta pchörin mut nko odeny,
Mïchinokwa osïkö sikin ompö nyinte achïchïm ompö kighanatengwo kïle wölo kikinetïtakwa. Alïkwï pich cho oyokyini Tororöt söro nyoman.
Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.
Kïsölöy kaynatengu kokay lö, ‘ECHOTYON Kimuktoghin kï Tororöt pö Israel,’ akïtöpo kö pö mötworintengu Daudi kokay.
