1 Myomchï nyonyintön mwokïyis anta imach töpenö nko chane,
Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.
Metup kong pkatyan amerïp arenyi anka tïkwïl,
Mekany kwomchï mïkulöwungu nyonyintön mwokïyis, wölo waghanyi ECHOTYON kïtenö osis.
Ngöghomitu chi nyo westoy nko pich cho ngöghomöch, wölo wongu cho nomnyotoy nko sölwöy.
Ompöwölo kyotïngetan saghsaghat ompö menot, otini kyasïwan pöghisyö nyo kitïng mwokïyis.
Mesus kegh ompö mwokïyis amesïch nyonyintön ompö pich cho ghach.
Mekany kïnyïtïn pich cho ighöy ghöyityö, amomchï nyonyintön mwokïyon.
Meparante nko mwokïyis anta icheng söpontönyan nko cho pö rïmï,
Soyönote chi nyo melö westoy nko mwokïyis, nyo mörïpönye ortïna pipö ngokï anta mpur nko pich cho roröchini Tororöt.
Merïp ara mwokïyis, amewesteghö ara pich cho ghach.
Irop kamas, metyak aranoni. Waghakeghena aranoni aiwechï kegh.
