NGÖTÏNYÖ 23:4 - PIPÏLIA

⁴ Mesusö kegh ighisyewut lö tosïkönon, ngöghomitunö lasiny atetagha.

NGÖTÏNYÖ 23:4 Referans Kwoze

EPRANIA 13:5

Malïkwï pich cho chömo kegh ropïyen akanya kïmïchok tïkukwo cho otïngetö. Ompöwölo lentöy Tororöt, “Mopïstoninyinye kokay anta apakadinyi.”

NGÖTÏNYÖ 28:20

Nyoru perur nyo wow chi nyo ghanate, wölo nyoru sitöt chi nyo komchini sïkönöt.

MATAYO 6:19

“Mororchï kegh kaplawachtin ompö ngwïny, wölo omo rirïm nko köpumpï akïwiröy chorï atökïchor.

NGÖTÏNYÖ 3:5

Tighenö kegh ECHOTYON ompö mïkulöwungu kïmïkul, ametwayta kegh kinonutköku kegh.

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

RUMI 12:16

Ayanga pich lapay ompö or nyo körökegh. Mop kegh yïm, wölo achama agha ighisyewut cho sösöy pich. Moyit kegh lö kïchï ngöghomöch.

NGÖTÏNYÖ 15:27

Ipchini chi katanyi nyarïl nyo nyoru sïkönöt ompö ara lïs, wölo söpöy chi nyo ghöchini kiyenöto egh.

NGÖTÏNYÖ 26:12

Kesïwenyi chi nyo ighöy kegh lö ochï ngöghom? Kaykay nyu sölwö kïtïl chi lenye nyoni.

ISAYA 5:21

Heywey! Ochech pich cho ngöghomöch ompö konyikwa kegh, asïwïyi lö kïchï chïreröch tya.

NGÖTÏNYÖ 3:7

Mesïtyï kegh ngöghomnyö nyinte onkït, konyïtö ECHOTYON aimala kegh ghöyityö.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

MARKO 4:19

wölo ato itï sïngut pö ngwïny nko pïghyöng nyo pö sïkönön nko pïrchin pö tïku walaka, kwam ngölyonte, tömökïyïcha akwa.

AYUPU 27:19

Sïkön ato wetöy kïrïwöy, wölo pö nyoni söröm, ngeto rïwön akïsïwa sïkönötenyi kipot lö weng!

NGÖTÏNYÖ 27:24

ompöwölo melö pö kokay sïkonöt, amelö töpo kirawuni pïnwöy löwïr.

OMTOGHIN 5:13

Mito ghöyityö nyo pö otyogh nyo kyosöchan ngwïnyi asis mörchini kegh chi sïkönöt nyo rïmöy asïyech nyinte kegh,

YEREMIA 9:22

Kïlenchanïn ECHOTYON mwatïtena lö, “Kinyïghï wop tïkwïl mïntïruch, le pures cho kikitïkumchï paren, lata mopö ompö par ato kikel pagh amökïminye chi nyo tökïyongöy.”