2 aipïr muyengu ato ichï chi nyo omöy omisyö nyo wow.
Sörömungwa kiwurata, ompöwölo tororötïngwa muyengwa nisonchegho chane arasingwa yonöy kinonutkökwa tïpö ngwïnyinï.
Ochopan kong portanyu apöyï, tömötöp otini komchan pikö walaka kumuchö, ketaghanïn.
Ato iyomisïyi nko pöytoghin, ikany kïpköchin lasiny lö ngo nyoni impurenyi tïkwïl,
Metöpö nko gheghinto dipaytin* anta kwenu pipö mutïn cho omöy pany.
Kïlenyona, kïwö Yakopo akurewï warechay wölo mi kame, kwigh kame omisyö nyo anyïn nyo lata nyini chömöy paponyi.
