NGÖTÏNYÖ 22:18 - PIPÏLIA

¹⁸ ompöwölo pïchighitu ato irorchinyi oringu, temuka mwaghena möt ompö pöroyïn anka tïkwïl.

NGÖTÏNYÖ 22:18 Referans Kwoze

YEREMIA 15:16

Kyanïkughan ngaleku otini kyalïman, kwipkanïn ngalechoni ngörekyö akïturön mïkulöwunyan. Ompöwölo nkïtanïn pich ompö kaynengu, we ECHOTYON Kimuktoghin.

NGÖTÏNYÖ 2:10

Ompöwölo ngwïnchininyi ngöghomnyö akwigh söpontöngu kïngarak.

NGÖTÏNYÖ 15:7

Mwotïtoy chïreryö kutïwa pich cho ngöghomöch, meghönye pich cho le sölwöy lenyoni.

NGÖTÏNYÖ 10:21

Pöghöy pich cho chang kuti chi pö man wölo meghot mwokïyis ompöwölo melö tïng pköchin.

NGÖTÏNYÖ 8:6

Atera ompöwölo ongölonan ngal cho karamach, akïpkono kutinyan ngala man,

TUMWÖY 119:103

Ochï onyïnchinanïn ngaleku, onyïne kïtïl kumat!

EPRANIA 13:15

Kesala nyu Tororöt osis lapay ompö ara Yeso, salatanoni nyo tötoy pich lapay cho kikughan kaynenyi.

YOANA 7:38

Kïle wölaye mwoytoy Kikirut lö, ‘Anka tïkwïl nyo ghönanïn, kuyintegho mïkulöwunyi pögh cho tïng söpon.’ ”

NGÖTÏNYÖ 25:11

Karkegh ngölyon nyo kakïmwowï ato mïchini nko akwa koltin cho kakïtötyï wïsino silpa.

NGÖTÏNYÖ 16:21

Chïrer chi nyo ngöghom ompö mïkulöwunyi, akïtösöy onyïnio ngal chïreryö.

NGÖTÏNYÖ 10:13

Kïnyorchini ngöghomnyö kuti chi nyo tïng pköchin, wölo mïchini sitöt chi nyo mötïny pköchin.

NGÖTÏNYÖ 3:17

Pïchighöch ortïna ngöghomnyö nyoman akï pö ortïnechi kïmïkul kalya.

TUMWÖY 119:171

Sölinyi kutinyan kïtenö osis, ompöwölo inetaninyi kikirutköku.

TUMWÖY 119:162

Ongörökyinan ngölyontengu le chi nyo könyorï pöröw cho chang.

TUMWÖY 119:111

Ngwïsyenyan nyo pö kokay kirwokutköku, ay ngörekyeto mïkulöwunyan.

TUMWÖY 119:13

Omwotïteghonan kutinyu kirurutköku löwïr cho kikonunyi.

TUMWÖY 19:10

Pö pïrchin kïtïl koltin, kïtïl koltin cho pïchighöch. Onyïnech kïtïl kumat, kïtïl kumat nyo yinuno yiti möghen.

MALAKI 2:7

Mïchini tïsï kunet pich kunkïtï man pö Tororöt akï mïchini kïpechï pich tïsï atö kenet kirurutköchan, ompöwölo tïsï kï kiyoktoghi ECHOTYON Kimuktoghin.

NGÖTÏNYÖ 22:19

Atökungwïna kikönötengu wölo mi ECHOTYON, komwowunyi choni asisete, ay komwowunyi.

NGÖTÏNYÖ 4:20

Werïnyu, iter ngalechan lasiny, iköpchï yit ngalechan.

NGÖTÏNYÖ 4:21

Mepïstö kïchïwïtenin konyïn, Ikomönchï mïkulöwungu.