NGÖTÏNYÖ 20:3 - PIPÏLIA

³ Kïkonyïtöy chi nyo melö syölin, wölo syölin chi nyo le sölwö.

NGÖTÏNYÖ 20:3 Referans Kwoze

NGÖTÏNYÖ 16:32

Karam chi nyo melö nöreköy lawel kïtïl chi nyo awes, akïkaram nyo tungöy mïkulöwunyi kïtïl chi nyo pöröy kanasyan.

NGÖTÏNYÖ 17:14

Karkegh towunöto syala nko ato kïyatïta pögh, kïlenyona nyagha wïyö kïtomö kutor syala.

EPESO 4:32

Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

NGÖTÏNYÖ 19:11

Melö nyoghöy kïnöreköy chi nyo ngöghom, akï ororyenyi kïpïstö mayang lelut.

NGÖTÏNYÖ 14:29

Tïng chi nyo mesïnyoronye lawel pköchin nyo wow, wölo kusöy sölwontön chi nyo sïnyoro lawel.

YAKOPO 4:1

Ekï pkono onö köny poryewut nko syölutchï mi kwenunkwa? Möpkonocha so pïrchinoghtinekwa cho ghach cho poryot ompö orinkwa chik?

NGÖTÏNYÖ 18:6

Ipu kuti sölwö riri, akumïtu kutinyi mungöt.

YAKOPO 3:14

Wölo ato kinyïghï mïkuliskökwa sastagh, apekwa kegh sikong akïyongöy chi kegh onkït ompö or nyo gha, kïmömïchininye okwolökwa kegh, amïr putintön.

NGÖTÏNYÖ 21:24

Kïkuro chi nyo kwolöy kegh, “Sösin,” chi nyo ighöy ngal ompö menöt.

NGÖTÏNYÖ 14:17

Ighöy chi nyo mïrmïr kïgh ompö sölwontön, wölo mïkukönöy chi nyo chïrer.

2 PÖYTOGHÏ 14:9

Wölo kuyokyï Yeoas pöytoghinto Israel nyinte lö, “Kiyonta chi asistanka ket pö kato nyo kimi wuw pö Lepanon wölo mi törokwö akïlenchï, ‘Yilchinö werïnyan cheptöngu.’ Wölo kupulï tyompö wuw panini akïtïkyï ngwïny ketay pö kato.

TOWUNÖT 13:7

Kwitï syala nyo kingwïna pipö Apram cho kile mösöw nko cho pö Lot. Kimöngöy osiswechoni pipö Kanan nko cho pö Peris.

TOWUNÖT 13:8

Kïlenyona kïlenchï Apram Lot, “Mömïchininye kïrumunö syala kwenuncha anta kwenuto mösöweku nko chichan, ompöwölo kïchicha pipö or akonga.

NGÖTÏNYÖ 26:17

Chi nyo weröy akususö kegh syala nyo kömelö kegh kïlata chi nyo nömöy kukïy yit nyo weröy.