1 Ipu dipay* kingörerat, kwipu kumïn syala, akwanka tïkwïl nyo köperöy kumïn kïmelö ngöghom.
Lentöy ECHOTYON, “Nyoröy dipay* cho pö köny nko cho relach pich mötöw!
Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.
Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.
Melö pö pöytoghï, we Lemuel, melö pö pöytoghï kïgha dipay,* anta mïchï pöytoghï kïpïrchï kumïn cho ngwonöch,
anta mosï anta sïköyö anta ptamasis anta kiswomï anta chorï.
Kepö kegh sikong, tamasa, chepomutnön nko ngale walaka cho karkegh nko choni. Orirwokwa ye le atanye kökyarirwakwa tagh lö, mömïlöcha Pöyunöto Tororöt pich cho ighöy tïkwïn cho lata choni.
Kïtak Daudi nyinte asisto odeny kwomisyö tïkwïl akïgheghsyö nko nyinte, kïkany kïtamas nyinte tya, ato mi mönon kïwö kïrï ngat wölo mi mötwori echotyontenyi, mökïwönye katanyi.
Mwochini kegh ptamasischoni lö, “Apkana kepe keyaratena dipay* atökeghegha cho ngwonöch cho teno cho kakimuköy kegheghe! Körköyitu asïyech ko asisete, akï köromitu tya ompö!”
Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,
Kigh chane pöytoghin nko yetïntin kitömesyö, ompö asispa ichon pö pöytoghin akwigh kïlïkwï sölwöy ompö kumïn.
Kïmwochï Apsolom mötworichi lö, “Nyini kasïwekwa lö kikïtamas Amnon, amwowokwa lö, ‘Omïghitö Amon,’ apar nyinte. Mawagh ompöwölo ani nyo komwowokwa, onyökönitu amotomtomön.”
“Meghegh kumïn anta dipay* nyi nko werköku, otini olïtöy Ema nyo mi ECHOTYON tömomeghö. Nyete kï kirurut ompö pïnwöy cho tökïpkonöy.
Metöpö nko gheghinto dipaytin* anta kwenu pipö mutïn cho omöy pany.
“Lïsöy pich sïkönöt memungöcha pich cho nisonchot opoghöch le ngwen akïlata chane meghat nyo melö pïghyongöy. Nka nyoni ghömïtyini kegh puntoni ngwïny kïlïkwï pikökwa kegh.”
Heywey, ochech pich cho ngetöy nyini le kiwasan tökïyarata kumïn, cho gheghsïyi ntökïpölolön oghö ntökïtömesyö lasiny!