NGÖTÏNYÖ 19:23 - PIPÏLIA

²³ Ipu kiwaghata ECHOTYON söpon, akï nyinte nyo tïng kïpöghisïyi nyo karam, akï melö itini nyinte kïgh nyo gha.

NGÖTÏNYÖ 19:23 Referans Kwoze

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

NGÖTÏNYÖ 12:21

Möminye kïgh nyo gha nyo nyoru chi pö man, wölo kinyïghityini mwokïyis kömpölelut.

TUMWÖY 90:14

Paghenecha tökwoghö chomnyengu nyo pö kokay atöketumöcha akengörekyö osiswecha löwïr.

1 TIMOTEO 4:8

Tïngeto kikilöto por kinyiwutyenyi, wölo tïng kikilöto mïkulögh kinyiwut nyo wow tya ompö or anka tïkwïl, ompöwölo tïng kiyomisöto söpon nyo pö ye nko söpon nyo tökungwïnöy.

NGÖTÏNYÖ 10:27

Tösöy osiswo chi kiwaghata ECHOTYON wölo kichïchuköy könyiswo mwokïyis kingörïngit.

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

TUMWÖY 85:9

Nyoman söru pich cho konyïtöy nyinte, atökïtöpö ororyenyi korencha.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

TUMWÖY 91:16

Otöninan chane kïmang könyis cho chang aporchï chane sörunötenyan.” Tum pö asispa Sapato.*

TUMWÖY 25:13

Nyoru chichoni perur akïmïlöy monechi kor.

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

TUMWÖY 19:9

Kïlït ngölyonto ECHOTYON, töpo kokay. Pö man ortïna ECHOTYON akutenote löwïr.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

TUMWÖY 91:10

Möminye nyarïl nyo inyorunenyi nyonikïny.

NGÖTÏNYÖ 11:19

Söpöy chi anka tïkwïl nyo metimtimonye ompö kighanat, wölo meghöy chi nyo rïpotoy ghöyityö.

NGÖTÏNYÖ 19:22

Chömo kegh pich chi kighönöy, akï kaykay meywon kïtïl putin.

NGÖTÏNYÖ 3:24

Ato itöpenyi ngwïny, motyonenyinye, ato irïwönyi, kïnöminyi rïwonto nyo anyïn.

NGÖTÏNYÖ 22:4

Ropöwonto tölosyö nko kiwaghata ECHOTYON, kï mökosyö nko konyït nko söpon.