NGÖTÏNYÖ 18:21 - PIPÏLIA

²¹ Tïngeto ngalyap owesyo meghat nko söpon, pich cho chömöy kipöghisyegho kinyoru cho mïchini.

NGÖTÏNYÖ 18:21 Referans Kwoze

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

KOLOSAY 4:6

Nya kïnyïghi pöropchö ngal cho pkono kutïwekwa akwonyïne kïtenö osis, atonkïtunö wölo omölyöngtoy kuten kïgh anka tïkwïl nyo tepokwa pich.

NGÖTÏNYÖ 10:31

Ngwïno ngöghomnyö kuti chi pö man, wölo kitöghöy ngalyap nyo masteghate.

NGÖTÏNYÖ 12:13

Kïnömo chi nyo gha lelutko kutinyi wölo chïwïto chi pö man nyarïl.

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

NGÖTÏNYÖ 11:30

Otöpö chi pö man, kï ket pö söpon, ngöghom chi nyo söru mïkulis pö pich.

2 PETRO 2:18

Ompöwölo mwoghöy chane ngala kwolöto kegh akï cho puryö kinyiwut, akïpöghisyeghö möchut pö por cho ghach kïkïnkïn kwigh ngokï nko pich cho kötökïchïwïtyegho ato lekït kwenu pich cho möngisïyi nyo gha.

2 KORINTO 11:15

Kïlenyona nyu, molenchï kegh kïgh nyo pö töngönchin ato wöghökisyö mötworichi kïlïkwï mötwori man. Nyoru chane ato le söröm kïgh nyo mïchini, kïrïp kegh nko ighisyewutkökwa.

2 KORINTO 2:16

Lïku körösyontononi ngutogh pö meghat ompö pich cho kakupotyö, wölo lïku ngutogh nyo ipu söpon ompö pich cho kïsöru. Ekï ngo nyu köny nyo muköy kïghömechini ighisyö nyo lata nyoni?

NGÖTÏNYÖ 21:23

Chi chona ripöy kutinyi nko ngalyapunyi, kïripo kegh kömpölelyö.

ISAYA 3:10

Omwochinö pipö man lö ongörekyenö, tenöy ngala ompö chane, ompöwölo ngörökyini chane akweko ighisyewutkökwa.

OSEA 10:13

Kyakatkatakwa ghöyïn olökwa kireyut, kamakwa ye nyu akwa putintönengwo ompöwölo kyamantekwa kegh nkarinekwa nko chongïn pö pipö lïk.

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”