NGÖTÏNYÖ 18:10 - PIPÏLIA

¹⁰ Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

NGÖTÏNYÖ 18:10 Referans Kwoze

2 SAMWEL 22:3

Tororöt kï köpönenyan wölo orïpchinan, longenyan nyinte, owesyeto sörunötenyan, pchörinyan nyinte nyo orïpchinan, sörunintenyan, sörwanïn nyinte ompö rïmöt.

TUMWÖY 91:2

kïlentöy, “ECHOTYON, ichinyi rïpintenyan nko wölo oghïpenan, Tororötïnyan nyo otwoytonan kegh.”

ISAYA 26:4

Aghana ECHOTYON kokay, körtonecha nyinte kïtenö osis.

TUMWÖY 144:2

Köpönenyan nyinte akï wölo tekate, pchörinyan akï sörunintenyan, longenyan nyinte nyo orïpchinan, töni nyinte pich morichan.

TUMWÖY 27:1

ECHOTYON kï Löpoyïntönyan akï sörunötenyan, ngo anka nyo owöghan? ECHOTYON kï ripintenyan. Ngo nyo otyeghonanïn?

TUMWÖY 18:2

ECHOTYON kï ghatyenyan akï wölo oghïponan kegh akï sörunintenyan Tororötïnyan kï ghatyenyan nyo orïpchinan. Longenyan nyinte akï owesyo sörunötenyan, pchörinyan nyinte.

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

1 SAMWEL 30:6

Kusus kegh Daudi nyoman, ompöwölo kimököy pich kïwiro nyinte koghïn. Kinörekyö chane tya ompö monekwa, wölo kukil kegh Daudi ompö ECHOTYON Tororötïnyi

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

TUMWÖY 91:14

Lentöy Tororöt, “Osörunan pich cho chömanïn akomönan chane ompöwölo nkïtanïn.

APAKUK 3:19

Echotyon TORORÖT nyo le owesyenyan. Ngörokanïn nyinte apus kutïngkot, cho koghöch amelö opïtan, le wölo rïptoy korinya.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

2 SAMWEL 22:51

Töni Tororöt rïntagh pöytoghintenyi, porchini chomnyogh nyo pö kokay nyo kikïl nyinte ompö Daudi nko monechi kokay.”

TOWUNÖT 32:11

Nyo osoghinyi lö sörwante achïwïta werïnyo Esau, ompöwölo owöghan lö töptoy ngwïnöy nyinte kïpörecha löwïr, koru nko monïnge.

WUWÖT 6:3

Kyongwïnchan Apraam nko Isak nko Yakopo le Tororöt Kimuktoghin, wölo moporchanye kegh chane ompö kaynenyan, ECHOTYON.

2 SAMWEL 22:2

Kïlö, ECHOTYON kï ghatyenyan nko wölo oghïponan, akï sörunintenyan,

NGÖTÏNYÖ 14:26

Tïngeto chi kikönöt nyo wöghöy ECHOTYON akïnyoru monechi wölo karam wölo ghyöghchini.

NGÖTÏNYÖ 29:25

Ipu ngöghöp kiwaghata nyo kiwöghöy chi wölo mi ato tïghume chi nyo twoytoy kegh ECHOTYON.

1 SAMWEL 17:45

Kïlenchï Daudi Kolyat, “Ingwïnenyi wölï omitan nko chok nko ngot nko köröyö, wölo ongwïnan wöloni iminyi ompö kaynata ECHOTYON kimuktoghin, Tororöt pö lïko Israel nyo kesasanyi.

TUMWÖY 20:2

Nya kïkoninyi kingarakat kungwïna Konyi akïtighïnyi ompö kutïng pö Sayon.*