28 Kïrkegh kimi sölwö kïsösöy kenonöy lö ngöghom, akwotini sisöy lasay, keyitïtoy lö tïng pköchin.
Opï kosisyekwa lasay! Kötölïku nyoni ana ngöghomnyö ompö akwa.
Ngölonöy ngalyapu chi nyo ngöghom ngala chïreryö, wölo mïlu kutïwa sölwöy ngala sölwontön.
Wïwiyöy sölwö ngal cho möngörï akï möminye chi nyo nkït kïgh nyo igho akï ngo nyo muköy kïmwochï kïgh nyo igho ato kiwö nyinte.
Ompöwölo ngwïno kirwotïtogh ighisyewut cho chang, akïpkono ngala kuti sölwö cho chang.
Rörchini pköchin sölwö kïrkegh otini mi pan akïmwochini chi anka tïkwïl lö sölwö nyinte.
Chi nyo pesyot nko kongotichi, kïyöröy ngalechi onkït, atökïmala kegh pirirat anka tïkwïl nyo tenate.
Oköngisyan pat, akwanyï kisisyö chane ghyongo otini amökïminye ngölyon nyo yoku.