NGÖTÏNYÖ 15:17 - PIPÏLIA

¹⁷ Ngwangwa kyam rachan ompö ato mi pöghisyö, kïtïl kyam tany nyo akwagh nko punyontön.

NGÖTÏNYÖ 15:17 Referans Kwoze

NGÖTÏNYÖ 17:1

Kaykay kwam chi moryon akïmi kalya mïkulöwunyi, kïtïl kaw nyo wow pïghyöng nko syala.

NGÖTÏNYÖ 21:19

Kaykay kïmang chi kor nyo le surkwen, kïtïl kïmang chi nko korka nyo syölöy akunchïsöy.

1 YOANA 4:16

Kinkïtöcha akeghönecha chomnyogh nyo tïng Tororöt ompö acha. Tororöt kï chomnyogh, akwanka tïkwïl nyo möngisïyi ompö chomnyogh kïmi orito Tororöt, akïmi Tororöt orinyi.

PILIPI 2:1

Ato mi kikilöto kegh anka tïkwïl ompö Kristo* ato mi saghsaghata anka tïkwïl nyo pö chomnyogh ato mi sikom anka tïkwïl nyo pö Mïkulögh ato mi yangata anka tïkwïl nyo kingöroköy kegh nko kisyonöt,

MATAYO 22:4

Kïyonta ngat mötwori walaka kïmwochï pïchay kikikekur lö, ‘Kyaghan omisyewutkachu, kayengan eghinechu nko walaka cho okwoghöch akikwighisyö tïkwïn löwïr. Apkana ama ichon nyo pö kensyö!’

LUKA 15:23

apa okötï mogh nyo akwagh, ayeng tökyama akengörekyö.

OMTOGHIN 4:6

Töptoy lenye nyoni, wölo kaykay cho ngörï cho kyomtoy tölosyö kïtïl cho chang cho kïsïngo kwïle akeyonota yomat.

NGÖTÏNYÖ 16:8

Ngwangwa tïkwïn cho ngörï cho kïnyoruno ara man, kïtïl tïkwïn cho chang cho pö mïrwos.