NGÖTÏNYÖ 12:18 - PIPÏLIA

¹⁸ Mi chi nyo sortegho cho toröy pich le chok wölo ipu kuti chi nyo ngöghom kisopöt.

NGÖTÏNYÖ 12:18 Referans Kwoze

NGÖTÏNYÖ 16:24

Lenye ngala cho karamach kumat, onyïnchini söpon akï karamach ompö por.

NGÖTÏNYÖ 15:4

Karkegh ngala cho tölose nko sakïtyan nyo sopöy, wölo meghöy chi mu ngal cho ghach.

TUMWÖY 57:4

Kewitanïn pung cho karkegh nko ngötuny cho omöy pich. Karkegh kelekwa nko ngötwö nko kotï, ngötipöch ngölyepkekwa le chokon.

TUMWÖY 52:2

Inonenyi kinyarat, karkegh ngalyapungu nko wempö, we wökintonï!

DANIEL 11:33

Akunet pich cho ngöghomöch pikökwa cho chang kïpköchï ngalechï, kïrkegh kepar walaka, akïmeghö walaka ompö ma akerang walaka kïlïkwï pïnot. Ighisyot lenyoni ompö osis cho ngörï.

NGÖTÏNYÖ 25:18

Karkegh chi nyo söwintönchini pöröryenyi ompö putintön nko runku poryot anta chok anta kotöt nyo ngatip.

NGÖTÏNYÖ 15:7

Mwotïtoy chïreryö kutïwa pich cho ngöghomöch, meghönye pich cho le sölwöy lenyoni.

NGÖTÏNYÖ 13:17

Ipchini pich tapan kiyoktoghintö nyo gha, wölo ipu sopön kiyoktoghintö nyo ghanate.

NGÖTÏNYÖ 4:22

Ompöwölo söpon ompö pich cho nyoru akï sakïtyan ompö porwöyikwa kïmïkul.

TUMWÖY 64:3

Litöy chane ngölyepkökwa le chokon akïwutï ngal cho lata ngwonö.

NGONGUT 22:2

Kiyintoy lalwanoni kuweröy kwenu ara mït nyo pö kanasyan. Kimito ket pö söpon lalwanoni antakwagh nko ontökwowu, nyo yinöy akwa kïnyïl taman nko odeny ompö köny akonga akwotini yinöy ompö arawa anka tïkwïl. Sakït söko ketoni cho sopöy pipö punton.

NGONGUT 1:16

Kinömo ewunyi nyo pö tagh kokel mut nko odeny, atolapay kungwïna kutinyi chok nyo ngatip woptine kwodeny. Kilïwu tokochunyi le asis nyo ngwan.

TUMWÖY 59:7

Tera ngalekwa cho oröre, lata ngölyepkökwa chokon, akïlenchini kegh möminye chi nyo lïmöy chane.

NGÖTÏNYÖ 12:17

Tötoy chi söwintöno man nyo mwoghöy ngala man, wölo mwoghöy lïs söwin nyo le putin.

TUMWÖY 57:5

Ichinyi kusate, we Tororöt ompö mïröt! Kinyïghï ororyengu ngwïny kïmïkul!