NGÖTÏNYÖ 11:24 - PIPÏLIA

²⁴ Mi chi nyo tötoy tïkuchi kisamta, kïtöso kïmökositu tya, kïmi chi anka nyo nömöy tïkuchi lö kïng, wölo puktegho kïgh tïku.

NGÖTÏNYÖ 11:24 Referans Kwoze

NGÖTÏNYÖ 19:17

Pösönchini ECHOTYON chi nyo syonchini mey, akïghokchini ECHOTYON nyinte ompö ighisyenyi.

LUKA 6:38

Otötenö tïkwïn, atökekonok. Kïkoneninyi sompïr nyo nyighitate, akepïr ntökïrarak. Ompöwölo kïkoninyi kïrïpata kegh nko wölini ketöteghtenyi.”

KINONO KIRURUT 15:10

Otönö chane ompö chomnyogh otini otöni chane, atökusoyönok ECHOTYON Tororötïnkwa ompö ighisyewutkökwa löwïr.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

OMTOGHIN 11:6

Iletonyi kösïgheku ato le tökwoghö nko otini kemön tïkwïl, ompöwölo menkïtönyinye lö ekï chono cho pitöy nyo karam, chï anta chinö anta pitöy choni kwodeny nyo karam.

AKAY 1:6

Kyangorakwa pagh cho chang, olökwa cho ngörï, omisïyekwa amesokwanye tïkwïn, ogheghekwa dipay* amömïchinokwanye. Olokekwa sïro amölölöngchinokwanye, akï kutïtoy kïgh ropïyeni chi anka tïkwïl nyo nömöy ropïyen.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

NGÖTÏNYÖ 28:8

Chi nyo sïkönonöy ompöwölo pösöntoy akïghak tösöw cho chang, kïghömïtyini chi nyo yongöy mey.

NGÖTÏNYÖ 11:23

Wonyechini machata chi pö man köromnyö kïpoto, kuwonyechini kikönöto mwokïyon kirwok.

NGÖTÏNYÖ 11:25

Sïkönonöy chi nyo le pöropchon akï chi nyo töni chi pögh, ketöni nyinte tïkwïl.

NGÖTÏNYÖ 13:7

Mi chi nyo ighöy kegh le sïkön amelö nyu tïng kïgh, kïmi anka nyo ighöy kegh le meywon wölo nyu sïkön kïtïl.

NGÖTÏNYÖ 28:27

Melö rörchini kïgh chi nyo pöghöy mey, wölo chïpöy nyinte nyo wïnyo konyichi mey.

2 OTÖPTINO OSIS 31:10

Kuyokyï Asaria Tïsin nyo Wow* nyo pö ara Sadok lö, “Kïngeta atanye kitor pich kwipï pasan kïpka Kö pö Tororöt kyomisyecha kïmïchecha kïmi ompö cho ngötu cho chang. Ompöwölo kisoyön ECHOTYON pikachi, atökunka nyï ngötunote omisyonï wow le nyï.”

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.