NGONGUT 9:21 - PIPÏLIA

²¹ Akimöpïstöcha pörchengwa nko ponintönengwa nko cheporesnanengwa anta chorsyengwa.

NGONGUT 9:21 Referans Kwoze

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

NGONGUT 17:5

Kikikir tokochunyi kaynat nyo pö wïnga nyo lentöy, “Papilon nyo Wow, yoto cheporestin löwïr nko ighisyewut löwïr cho lilöy pich ompö ngwïny.”

2 KORINTO 12:21

Owöghan lö töptoy ato atwan rutoghtö nyo rïptoy, kwighanïn Tororötïnyu osïkan arasï tawunkwa. Orirchan nyu pich cho chang cho kökikwigh ngokï atole tagh, wölo kitomöcha kïkötö sïmnyontöno tïkwïn cho kigh chane amelö kikïrö kegh chane alomi nko ngoki cheporesnan cho kigh.

NGONGUT 17:2

Kigh pöytoghi ngwïny cheporesnan nko nyinte akïtömesyö pipö ngwïny ompö kumiko cheporesnanenyi.”

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

ISAYA 47:9

Wölo ighisyot tïkuchoni kwodeny lawel ompö nyi. Kïrkegh kepöghisyeghenyi ponintön nyo wow lö ne, Kïmegheninyi santengu nko moneku.

NGONGUT 16:6

Ompöwölo kiyita chane kisönko kïlanköku nko cho pö werkoy, nka nyoni ketönönyi chane kïgha kisön akömïchï lenyoni!”

NGONGUT 14:8

Kirïp malaykayanteto odeny nyay pö tagh akimi kïlentöy, “Kikïrul! Kikïrul Papilon nyay Wow! Nyinte nyini kigh pipö punton löwïr kïgha kumichi, kumïn cho ngwonöch cho pö cheporesnanenyi!”

KALATIA 5:20

saghata körkeyïntin, ponintön, punyontön, syala, sastaghnan, nörekyö, semsem, kimölöto kegh, arata kegh.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

ISAYA 57:3

Apkana mwokïyischï yi kerwokwok. Mochikwanye ngwangwa kïtïl ponï nko pich cho petöy koru pich nko cheporestin.

ISAYA 47:12

Leta ye tagh nko chepsoköynengu, supchinö kegh pönutköku kïchangit, cho kisïngenyi kïtenö ichinyi mïnïng. Manan ngörokinyi tïkuchoni, töptoy imukenyi iotyeghö punköku.

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”

NGONGUT 13:15

Kikïchömchï tyonyay pö odeny kumunchï kimïny pö söpon körkeyïnay pö tyonto tagh, atökumï körkeyïnay kïngalan akïtïgh pich lapay cho kitagh kïsagh nyinte.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

DANIEL 11:33

Akunet pich cho ngöghomöch pikökwa cho chang kïpköchï ngalechï, kïrkegh kepar walaka, akïmeghö walaka ompö ma akerang walaka kïlïkwï pïnot. Ighisyot lenyoni ompö osis cho ngörï.

NGONGUT 13:13

Kigh töngönchin cho owesöch tyonyoni pö odeny. Kigh ma kirökunö yïm kïrökyï ngwïny ompö tawu pich lapay.

NGONGUT 13:7

Kechömchï tyonyay kïporyeghö pipö Tororöt ntökïrïnta aketö owesyö kïpöyï pipö puntoni ngwïny löwïr nko ortïn nko kutïwa pich löwïr.

NGONGUT 9:20

Kïkany pich cho kingötï cho kimaparcha nyörilwokchoni, kïmökïpïstöcha pöghisyewutkökwa cho kigh. Kimöpïstöcha kïsagh oy anta körkeyïntino koltin nko silpa nko taghoy koghïn nko ket cho merosïtoy anta lïm kïgh anta pesta.

NGONGUT 17:4

Kilach kokononi sïro cho lata munyantengwa akwa lamay nko cho pïröch, akupïchigha kegh koltin nko karïn cho pö olyot nyo wow nko lulun. Kinama ewunyi kikompa nyo pö kikwigha koltin akï nyo kinyïghï tïkwïn cho lilöy pich nko cho le sïmnyon, cho kipka cheporesnanenyi.