NGONGUT 8:12 - PIPÏLIA

¹² Atolapay kïkut malaykayan nyo pö angwan kontinyi. Kïma kareranpa sömök nyo pö asis nko kareranpa sömök nyo pö arawa nko kareranpa sömök nyo pö kokel, kipot nyu kareranpa sömök nyo pö löpoyïntöngwa. Kimöminye löpoyïn asisto sömök nko ogheto sömök tïkwïl.

NGONGUT 8:12 Referans Kwoze

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

ISAYA 13:10

Kimisöy kokelyan anka tïkwïl nyo mi yïm, akemis kïgh anka tïkwïl nyo lïwuno wölnö le mïröt, tuwitu asis otini kapusï, akï möminye löpoyïn nyo lïwuno wöloni arawa.

YOEL 2:10

Körtoy asis nko arawa melïwï akïlö kokel tïrmïs.

NGONGUT 6:12

Asïwan Wawa Kech kungötiy macheyto mut nko akonga, kurïngring ngwïnya nyoman, kïwaghaka asis kïtuwit le sarankwachtin, kïwaghaka arawa kipïririt le kisön,

NGONGUT 9:18

Kïpar nyörilwokchoni le sömök kareran akonga ompö sömök nyo pö pich cho mi ngwïny. Nyörilwokchoni kï mayoni nko ighe nko salpa cho kipkono kutïweko angoletinechoni,

NGONGUT 9:15

Ketyak malaykenichay le angwan cho kikitö kïtïpï kïpsach sayanini ompö asisini arawanini nko könyinini atökïpar chane kareran akonga nyo pö sömök nyo pö pich.

MARKO 13:24

“Nyini kewonyö nyarïlnoni pö osiswechoni, kïtuwit asis akïma arawa,

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

YOEL 3:15

Wengöy asis nko arawa kïtuwöchitu, akumis löpoyïn pö kokel.

NGONGUT 12:4

Kuchutö töronkwenyi kareran akonga ompö sömök nyo pö kokel cho kimi yïm akutyorchï ngwïny. Kughyongö tawu kokononi kimököy kïlusïyi atökwam montö panini lawel kakïyi.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

LUKA 21:25

“Osïwïyekwa tïkwïn cho pö kwongut ompö asis nko arawa nko kokel. Ngwïnchini nyarïl akïpotonchö pipö koros cho mi ngwïny kïmïkul, ompö kighumöto nanam nko mirtino pögh.

MARKO 15:33

Otini kighyö asis kulum tuwïn kore kïmïkul, kïtuwit satïn sömök.

MATAYO 27:45

Nyini kighyö asis kulum tuwïn kor kïmïkul, ntökïtenö kwitïta satïn mut nko angwan.

YEREMIA 4:23

Kyotopönön kor, asïwan tïryolïn kwïle! Arosan yïmwöy, asïwan lö puryö löpoyïn.

IGHISYEWUT 2:20

Wöghökoy asis kïtuwitu akïpïrïritu arawa le kisön, atoni kïtomö kwitï asispa Echotyon nyo wow akworor.

AMOS 8:9

Lentöy Echotyon TORORÖT ompö asisoni, “Oghan asis kïröytö nyini keghyö akïtuwit korö nyini le pöghet kwen.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

NGONGUT 16:10

Atolapay kïmïlchï malaykayanteto mut tïkwïn cho kimi pakulinyi paraku ngacharu paytaghpa tyonyay. Kuyen tuwïn pöyunöto tyonyay, kïsïr pich ngölyepkekwa ompö ngwonïn.